Tendenziell sinn niddreg Leetzënse gutt fir d‘Konjunktur: Kreditter gi méi gënschteg, Investitioune ginn an d‘Luucht an de Wirtschaftswuesstem ugekierpt. Leit, déi spueren, kréien allerdéngs manner Zënsen.
D‘EZB rechent domat, datt d‘Ekonomie an der Eurozon dëst Joer ëm 1,4 Prozent klëmmt, dat wieren 0,2 Prozentpunkte méi wéi nach am September geduecht gi war. D‘nächst Joer soll de PIB ëm 1,2 Prozent klammen. D‘Inflatioun soll, wéi erwaart, bei 2,1 Prozent leien, d‘nächst Joer awer weider klammen.
