Noriichten

/ Patrick Canning: "Mäi Favorit ass de Gavin Newsom, deen ass jonk a voller Energie"

US-Demokraten zu Lëtzebuerg

22 Juli 2024 - 15h24

Patrick Canning: "Mäi Favorit ass de Gavin Newsom, deen ass jonk a voller Energie"

De Patrick Canning lieft zënter 30 Joer zu Lëtzebuerg, nieft der US-amerikanescher, huet hien och déi Lëtzebuerger Nationalitéit. Hien ass de President vun de Democrats abroad hei zu Lëtzebuerg, enger Antenn vun der Demokratescher Partei aus den USA, wéi et se a ville Länner uechter d’Welt gëtt.

1 min

De kalifornesche Gouverneur Gavin Newsom (picture alliance / Consolidated News Photos | Eric Thayer - Pool via CNP)

Hie wier vum Joe Biden senger Annonce de Sonndeg net iwwerrascht ginn, seet hien am 100komma7-Interview.

De Patrick Canning

"Ech war nët iwwerrascht, ech hat wéi vill Leit d’Gefill: 'Oh, hie gesäit wierklech al aus'. An obschonn ech den Joe Biden gär hunn, dat Wichtegst ass ze gewannen."

De Biden wier vu ville Säiten immens ënner Drock gesat ginn, och an der eegener Partei.

De Patrick Canning hätt och léiwer, datt de kalifornesche Gouverneur Gavin Newsom den US-Demokraten hire Presidentschaftskandidat géif ginn: "Deen ass jonk a voller Energie".

Iwwermuer wäerten d’Spëtzegremie vun den Demokraten an den USA décidéieren, wéi d’Presidentschaftskandidatin oder de Presidentschaftskanidat soll nominéiert ginn. Eng méiglech Optioun ass déi, datt d’Delegéiert um Parteikongress Enn August de Choix tëscht e puer Kandidate kréien.