An der Kategorie U23 fueren de Lennox Papi, d'Liv Wenzel an d’Layla Barthels. An der Kategorie U19 fueren de Ben Fleming, Ben Koenig an d’June Nothum.
De Parcours huet 3.240 Meter a 40 Héichtemeter. Spektakulär wier d’Waasser ronderëm de Parcours, esou den Nationaltrainer Jempy Drucker. Dat dierfte flott Biller fir d‘Zuschauer:innen a Fotografe ginn. Eng vun de Brécke wier och 120 Meter laang.
"Eng Bréck vun 120 Meter hu mir net esou oft am Cyclocross. Dat wäert sécherlech och eppes ganz Spezielles sinn."
Hulst wier och bekannt fir seng steil Montéeën an Descenten, esou nach de Jempy Drucker.
