D'Lëtzebuerger Cyclistin Nina Berton kënnt an dësem Tour de France op déi 68. Plaz am General.
De Public als groussen Highlight
Si hätt gemierkt, datt den Interessi un der Course méi grouss war. Et wieren däitlech méi Medie sur place gewiescht an och méi Public um Bord vun de Stroossen, esou déi Lëtzebuerger Cyclistin:
"De Publikum war schonn einfach de groussen Highlight, well et einfach esou vill Leit iwwerall op de Strecke waren, virun allem um Mont Ventoux an och op der leschter Etapp zu Nice."
Och déi vill Lëtzebuerger, déi wärend dem Tour de France an de Stroosse stoungen, hätten dem Nina Berton e gutt Gefill ginn. Si wier dankbar fir dëse Support.
"Iwwerall, all Dag hunn ech wierklech vill Lëtzebuerger op der Streck gesinn, déi mech ugefeiert hunn an, jo, natierlech ass dat ganz speziell an dofir sinn ech richteg dankbar."
De Kontrakt mat hirer Ekipp EF-Education-Oatly leeft um Enn vun der Saison aus. Ob Si och d’nächst Joer fir déi selwecht Ekipp un den Depart geet, wollt d’Nina Berton de Moien nach net soen.
