D‘Regierung géing Mesuren ewéi d‘Virfinanzéierung vu Solaranlagen oder d‘Vereinfache vu Prozeduren als nei presentéieren, obwuel déi schonn am leschte Plang enthale gewiescht wieren.
Déi gréng Deputéiert weist sech besuergt, well éischt Unzeechen Zweifel un der konsequenter Ëmsetzung vum Plang géingen opkomme loossen. Esou zum Beispill d‘Kierze vun den Hëllefe fir Solaranlagen, Elektromobilitéit oder Green Events. Doduerch géing ee riskéieren, d‘Dynamik vun de leschte Joren ze briechen.
Déi gréng ruffen d‘Regierung dozou op, hiert Walverspriechen anzehalen an d‘Mënschen och wierklech fir Klimapolitik ze begeeschteren.