Zënter de Moien ass ee gréissere Police-Asaz zu Onhaye, bei Namur, amgaangen. Gëschter gouf do eng Kannerläich fonnt. Et kéint et sech dobäi ëm den Tyméo handelen, esou belsch Medien. Et soll elo eng Autopsie vun der Läich gemaach ginn.
Am Moment géif keng Hypothees ausgeschloss ginn, esou de belsche Parquet.
De Jong war, zesumme mat sengem Papp, de 27. Juni verschwonn, wéi se um Wee op d‘Kiermes op Onhaye waren. Hiren Auto gouf um Parking beim Fussballsterrain erëmfonnt.
