No der gemeinsamer Sitzung vun de Chamberkommissioune Santé an Travail um Mëttwoch hunn d’Deputéiert bedauert, datt si näischt weider iwwer déi sougenannte Sozialronn vun de Méindeg gewuer gi sinn. D’Regierung an d’Sozialpartner hate sech jo deen Dag eng zweete Kéier fir Diskussioune gesinn. D’Suite vun de Gespréicher soll den 3. September sinn.
Ob et zu enger Chamberssitzung à huis clos kënnt, géif dëse Freideg am Regierungsrot beschwat ginn, esou um Mëttwoch d’Ministerin Martine Deprez (CSV).
Déi politesch Sensibilitéit déi gréng hat um Dënschdeg gefuerdert, datt de Premier Luc Frieden (CSV) an d’Chamber soll goe fir de Point iwwer d’Verhandlunge mat de Sozialpartner ze maachen.
