/ Georges Mischo ass zouversiichtlech, datt et net zu engem Generalstreik wäert kommen
Déi zwou gréisst Gewerkschaften OGBL an LCGB hate virun 2 Deeg domat gedreet, sollte si hir Acquise bei de Verhandlungen ëm d’Kollektivverträg verléieren. Hannergrond ass, datt den Aarbechtsminister ënnert anerem proposéiert hat, d’Kollektivverträg an Zukunft och ouni Gewerkschafte kënnen auszehandelen.
1 min
Elo hofft de Georges Mischo, datt d’Gewerkschafte geschwë fäerdeg wiere mat hiren "martialeschen Téin".
"Also ech bedaueren se. Ech bedaueren se, mee wéi gesot, d’Gewerkschafte sinn an hirem Rôle do. An datt een da perséinlech Attacke reit, fannen ech net flott. Mee dat geheit mech awer elo net ëm."
Hie wier fir säin Deel op alle Fall bereet den Dialog mat de Gewerkschafte weider ze féieren, sou de Geoerges Mischo.
