62 Zaldotinnen an Zaldoten aus Lëtzebuerg an dem Ausland kruten iwwerdeems Medailen iwwerreecht fir hiren Asaz an enger gemeinsamer Auslands Missioun.
Den Arméischef Steve Thull huet präziséiert, datt de Formatiounsprogramm vun de Rekruttinnen a Rekrutten iwwerpréift soll ginn.
“D'Basisinstruktioun ass keng Selektioun fir d’Navyseals. Jiddereen, deen zougelooss gëtt, deen ass capabel, fir et ze packen. Et gëtt och reegelméisseg de Programm nees iwwerkuckt, wat een ännere kann. An an de leschte Wochen ass dat intensiv um Härebierg gemaach ginn an et wäerten an den nächste Méint och e puer Adaptatioune gemaach ginn.”
Et soll sech op dat Wesentlechst konzentréiert ginn, erkläert de Steve Thull. Duerch eng Reorganisatioun vun der Instruktioun soll iwwerdeems Zäit gewonne ginn, esou datt ee méi genee op déi eenzel Persoune kéint agoen. Trotzdeem soll et eng Erausfuerderung bleiwen an et géif och weiderhin Engagement vun de Rekruttinnen a Rekrutte gefuerdert ginn.
