/ Franséische Premier wëllt iwwer ëffentlech Finanzen debattéieren
De franséische Premier François Bayrou huet haut um Dënschdeg eng grouss Konferenz iwwert d‘ëffentlech Finanzen organiséiert. Invitéiert goufen ënner anerem Deputéiert, Vertrieder vun der Securité Sociale an de lokale Kollektivitéiten. Diskutéiert gëtt iwwert méiglech Mesuren, fir d‘nächst Joer 40 Milliarden Euro un ëffentlechen Depensen ze spueren.
1 min
Deen Effort wär néideg, fir den ëffentlech Defizit ze reduzéiere, hat de Finanzminister Eric Lombard e Sonndeg mat gedeelt.
Dat suergt a Frankräich fir vill Diskussiounen. Verschidde politesche Parteien, dorënner d‘France Insoumise, fäerten eng nei Austeritéitspolitik.
