Ënnert der Leedung vum bayresche Landeskriminalamt wier d’Plattform “Kidflix” vum Netz geholl ginn, esou Europol. Et wier eng vun de gréisste Plattformen op der Welt gewiescht.
Op dëser Plattform goufen et ronn 91.000 Videoen an héijer Bildqualitéit. Dorop wier zum Deel schwéiere Mëssbrauch vu Kanner ze gesinn, esou déi europäesch Policeautoritéit.
Lëtzebuerger Police Judiciaire bedeelegt
Lëtzebuerg ass eent vun 38 Länner, déi un dëser Operatioun bedeelegt waren, huet Europol matgedeelt: D'Sectioun Protection de la Jeunesse et Infractions à Caractère Sexuel vun der Lëtzebuerger PJ.
De Reseau hätt bal zwou Milliounen Notzer gehat.
Europol no goufe bis elo 79 Persoune festgeholl a bal 1400 Verdächteger konnten identifizéiert ginn. D’Enquête leeft nach weider.
