/ Éischten Atomreakter vun der neier Generatioun dierf un d'Netz goen
Den neie franséischen Atomreakter vu Flamanville an der Normandie dierf am Summer un d‘Netz goen. 12 Joer méi spéit ewéi geplangt huet déi franséisch nuklear Opsiicht ASN gréng Luucht gi fir de Reakter vun der neier Generatioun EPR.
1 min
D‘Bauaarbechten un deem ëmstriddene Reakter haten 2007 ugefaangen an hunn deemno 17 Joer laang gedauert. Verspéidung gouf et ënner anerem, well d‘Stol-Hüll net ganz dicht war. Mat engem geschate Käschtepunkt vun 13,2 Milliarden Euro war de Reakter véiermol esou deier wéi ursprénglech geplangt.