A Kroatien ass op d‘mannst eng Persoun beim Bëschbrand vu gëschter Owend an hënt ëm d‘Liewe komm. An der Zon, wou et gebrannt huet, hätte Polizisten eng Läich entdeckt, esou déi lokal Police. Nieft dem Doudesaffer goufe 40 Leit bei dësem Feier zum Deel schwéier blesséiert.
D'Feier ass ronn 20 Kilometer vun der Stad Split ewech ausgebrach. Mëttlerweil ass de Brand ënner Kontroll. Honnerte Pompjeeë waren am Asaz, mat iwwer 300 Läschween.
Duerch de staarke Wand waren d'Läschaarbechte schwéier. Iwwer 1.000 Mënschen goufen an der Nuecht evakuéiert.
