Noriichten

/ Den Enkste Vertraute vum Nicolás Maduro gouf aus der venezuelanescher Regierung ofgesat

Venezuela

| 17.01.2026 - 10h50

1 min

Den Enkste Vertraute vum Nicolás Maduro gouf aus der venezuelanescher Regierung ofgesat

D’Interimspresidentin vu Venezuela, Delcy Rodriguez, huet gëschter um Freidegowend spéit ugekënnegt, den Alex Saab aus der Regierung gehäit ze hunn. Hie war ee vun den enkste Vertraute vum ofgesatene President Nicolas Maduro.

1 min

(Foto: EPA/Miguel Gutierrez)

Den Alex Saab géif an Zukunft aner Responsabilitéiten iwwerhuelen, huet déi aktuell venezuelanesch Presidentin op Telegram matgedeelt.

Den Alex Saab war 2021 an den USA an de Prisong komm, well hie Liewensmëttel fir d’Regierungsspëtzt vum Land soll ënnerschloen hunn. 2023 war hie géint zéng US-Amerikaner, déi a Venezuela am Prisong souzen, ausgetosch an ee Joer drop Industrieminister ginn.