Tëschent den Tunnelle Miersch a Gousselerbierg ass de Geeschterfuerer dunn an een aneren Auto gerannt, deen a Richtung Norden ënnerwee war. De Chauffeur an deem Auto, e Mann vun 42 Joer vu Wooltz, ass nach op der Plaz gestuerwen. De Geeschterfuerer gouf schwéier blesséiert an eng Klinik bruecht.
De Miess- an Erkennungsdéngscht war op Uerder vu Parquet op der Plaz. D‘A7 war bis de Méindegmoie fréi a Richtung Norden deelweis gespaart ginn.
Beim Verstuerwenen handelt et sech ëm de Pascal Alff och nach bekannt als Pascal vu Wooltz. Hie war 2023 Éischtgewielten op der Nordlëscht vun Déi Lénk, souwéi engagéierte Sänger a Gittarist.
