/ De Poopst François kéint op Lëtzebuerg kommen
De Poopst François kéint Enn September fir eng kuerz Visitt op Lëtzebuerg kommen. Dat huet de Kardinol Jean-Claude Hollerich an engem Interview mat Radio Latina gesot. Et gëtt wuel keng Confirmatioun fir dës Visitt, si wier awer probabel, sou de Chef vun der kathoulescher Kierch zu Lëtzebuerg.
1 min
De Poopst François plangt eng Visitt an der Belsch. Dat fir de 600. Anniversaire vun der Universitéit vu Louvain. De geneeën Datum bleift ze klären. Um Bord vun där Visitt wieren awer och e puer Stonnen Openthalt zu Lëtzebuerg méiglech.
De Grand-Duc Henri hätt de Poopst op Lëtzebuerg invitéiert, esou nach d‘Präzisioun.