An de leschten Deeg an Nuechte ware Météo-France no op ville Plazen am Land Temperaturrekorder gebrach ginn. 266 Meteosstatiounen am Land hunn tëschent dem 9. an 12. August eng Temperatur iwwer 40 Grad registréiert. Dat war am Verglach méi dacks wéi an der gesamter zweeter Hallschent vum leschte Joerhonnert.
Bis e Méindegowend respektiv Dënschdegmoie soll dës Hëtztwell awer eriwwer sinn an d’Temperaturen am Land sech nees stabiliséieren.
Héich Bëschbrandegefor am Departement Aude
Iwwerdeems ass de Risiko fir e Bëschbrand haut am Departement Aude am Südweste vum Land sou héich wéi zanter 2016 net méi, mellen d’Prefektur an d’Pompjeeën. Dat wéinst den héijen Temperaturen an dem dréchene Wand.
Eng 1.200 Pompjeeën stinn haut bereet fir ze reagéieren, sollt e Féier ausbriechen. De 5. August koum et jo hei zum schlëmmste Bëschbrand zënter 1947 bei deem iwwer 16.000 Hektar ofgebrannt waren. Och op anere Plazen am Süde fäert een haut weider Bëschbränn.
