/ ArcelorMittal gëtt a Frankräich ugeklot
A Frankräich ass de Stolkonzern ArcelorMittal ugeklot. E kritt Verknaschtung an der Regioun Fos-sur-Mer am Süde vu Frankräich virgeheit. Dat confirméiert de Parquet vu Marseille géintiwwer der AFP, nodeems Mediapart et als éischt gemellt huet.
1 min
Gefuerdert sinn eng Kautioun vun 250.000 Euro an eng Bankgarantie vun 1,7 Milliounen Euro.
ArcelorMittal kritt virgeheit, wéinst illegaler Verknaschtung Liewen a Gefor bruecht ze hunn. D‘Awunner:inne kämpfen zënter iwwer 20 Joer an dëser Affär géint de Stolkonzern.
