Chamberwahlen 2018 Zwou Jugendparteie positionéiere sech
D'Presidentin vun der CSJ Elisabeth Margue erwaart sech, datt op d'mannst zéng CJS-Kandidaten op d'CSV-Kandidatelëschte fir d'Chamberwahle wäerte kommen. Si selwer ass op der provisorescher Lëscht fir den Zentrum. Bei der LSAP decidéieren d'Bezierkskomissiounen, wien op eng Kandidatelëscht kënnt, seet de JSL-President Jimmy Skenderovic. Hie weess nach net, ob hie mat an d'Wahle geholl gëtt.
Den Jimmy Skenderovic begréisst, datt déi Jonk bei der CSV sech mobiliséieren, fir méi an der Partei representéiert ze sinn.
"Ech fannen et gutt, datt sech déi jonk Chrëschte revoltéiert hunn", seet de President vun der JSL. D'CSV hätt nach ëmmer déi selwecht Kandidaten op hire Lëschte wéi 2013.
D'Elisabeth Margue gesäit dat anescht. Et wieren nach 15 Plazen op de Lëschte fräi. D'CSV hätt och kloer gefuerdert, datt méi Jonker op de Lëschte solle stoen. Et wier wichteg, datt eng Partei och Leit géif opstellen, déi scho Mandater hätten. Esou kéint een nei Iddien erakréien an d'Bild vun der Partei no bausse veränneren.
Demande oder Offer stäerken
Beim Thema Logement ginn d'Meenungen tëscht der JSL a CSJ auserneen. D'CSJ wëllt, datt eng Milliard Euro an den ëffentleche Wunnengsbau investéiert gëtt.
"Eng Milliard op eng Legislaturperiod, dat heescht, et sinn 200 Millioune pro Joer. Dat ass net esou extrem vill par Rapport zum Problem, dee mir hunn", mengt de Jimmy Skenderovic.
Et misst een och d'Offer stäerken an iwwert eng Präisbegrenzung nodenken, seet de Jimmy Skenderovic. "Mir sinn am Retard. Do gi mir op de Wee, fir d'Präisser um Wunnengsmaart ze begrenzen. Mat engem Plafong, iwwert deen een net ka goen."
An der Mediathéik:
LauschterenMéi zum Thema
Féierungswiessel a wéineg Produktivitéit
De Marc Lies (CSV) kritiséiert e Réckgang vu der Produktivitéit vum Fonds du Logement. Et misst een elo no vir kucken, seet de Minister Marc Hansen (DP). D'Restrukturatioun beim Fong wier schwiereg.
Fräizäitbeschäftegung oder Alternativ zum Auto?
2015 gouf hei am Land en ambitiéist Gesetz fir d'Promotioun vun der doucer Mobilitéit ugeholl. Mä an der Praxis sinn déi politesch Responsabel an der Logik vum Vëlo als Fräizäitbeschäftegung bliwwen.
Table-Ronde: Logement a Mobilitéit
Méi bezuelbare Wunnraum an nei Mobilitéitskonzepter sinn néideg: An där Analys si sech d'Gemengepolitiker eens. Bei de Léisungsvirschléi ginn et awer Differenzen tëscht de Parteien.
Logement: DP an CSV wëlle "mat der Muert an net mam Bengel" virgoen
D'Lëtzebuerger Populatioun wiisst all Joer ëm iwwer 10.000 Awunner, dofir ginn d'Wunnengen ëmmer méi deier. Trotz dësem Drock sinn d'DP an d'CSV dogéint, Proprietairë vun eidele Wunnengen an ongenotztem Bauland ze bestrofen.
Logement méi wichteg wéi d'Burka
Déi chrëschtlech-sozial Gemengeréit fuerdere Quote fir de soziale Wunnengsbau an de Gemengen. De CSG-President Claude Clemes hält "massiv" ëffentlech Ënnerstëtzung am Logement fir néideg.
