De Staatsrot-Member Lucien Lux hat am Juli sengem Client Flavio Becca een Avis iwwert e Gesetzesprojet weiderginn, éier de Staatsrot doriwwer ofgestëmmt hat. Nodeems Reporter.lu dat gemellt hat, huet de Staatsrot säi Comité de déontologie saiséiert.
De Conseil d‘Etat koum zur Konklusioun, datt de Lucien Lux géint seng Obligatioune verstouss hätt an huet eng Reprimande, eng Ruge géint hire Member ausgeschwat. Dat ass déi zweetmannste Sanktioun vu véier.
Op RTL seet de Lucien Lux, datt hien net géint déi Decisioun wéilt an Appell goen.