Emouvant Sëtzung am Europaparlament Wolodymyr Selenskyj wëllt EU-Bäitrëtt vun der Ukrain

Aussergewéinlech Sëtzung haut am Europaparlament zu Bréissel, wou eng Debatt iwwer d'Situatioun an der Ukrain um Ordre du jour stoung. Bäigeschalt gouf och den ukrainesche President Wolodymyr Selenskyj, deen op en Neits direkt ugefrot huet, datt säi Land gäre géif Member vun der EU ginn.

Danièle Weber (Bréissel) / cbi

Wolodymyr Selenskyj
De ukrainesche President Wolodymyr Selenskyj gouf iwwer Visiokonferenz bäigeschalt. Foto: EU / Philippe Buissin

Lauschteren


Den ukrainesche President Wolodymyr Selenskyj huet d'Wuert iwwer Video - am an der Tëschenzäit traditionellen arméigréngen T-Shirt mat kuerzen Äerm - un d'Plenière zu Stroossbuerg geriicht.

Säin Appell fir Member vun der Europäescher Unioun ze gi war emouvant: "Europa gëtt méi staark mat eis", "Ouni Iech ass d'Ukrain eleng, beweist eis, datt Dir zu eis haalt" sot hien.

Emouvant Temoignagen

Emouvant och seng Beschreiwungen zum Beispill vun deem, wat op der Plaz geschitt - virun allem fir déi ukrainesch Dolmetscher: deen Engleschen huet méi ewéi eng Kéier ënner Tréine misste pausen, ier e konnt viru schwätzen.

D'Parlament, wat déi russesch Invasioun schaarf condamnéiert, adoptéiert haut eng Resolutioun, an där déi europäesch Institutiounen opgefuerdert ginn, der Ukrain de Statut vun engem EU-Kandidat ze ginn.

Op deem Punkt ware souwuel de Conseilspresident Charles Michel, wéi och d'Kommissiounscheffin Ursula von der Leyen an hire Rieden éischter zeréckhalend: si hunn op d'Prozedure verwisen.

Et ass gewosst, datt déi laangwiereg sinn. Als Erënnerung: Nordmazedonien ass zanter 2005 Kandidat fir Member vun der EU ze ginn - déi richteg Bäitrëttsgespréicher hunn awer bis haut nach net ugefaangen.

Méi zum Thema

E Kand op der Flucht virum Krich an der Ukrain
Russland-Krich

Et ass schwéier anzeschätzen, wéi vill Flüchtlingen aus der Ukrain op Lëtzebuerg kommen, heescht et aus dem Ausseministère. D'Preparatioune lafen op Héichtouren, virop d'Sich no Plaze fir ze liewen.

Demonstratioun Ukrain
Op der Clairefontainesplaz

Wéi op villen anere Plazen an Europa, gouf haut och hei zu Lëtzebuerg géint de Krich an der Ukrain demonstréiert. Eng Associatioun vun Ukrainer, déi hei am Land liewen, hat fir de Moien zu enger Friddensdemo op der Clairefontainesplaz an der Stad opgeruff.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen