Europawahlen 2018 Wieler zu Lëtzebuerg hu sech extrem spéit decidéiert
Iwwer d'Plattform Smartwielen, déi vun der Uni Lëtzebuerg, dem Zentrum fir politesch Bildung an dem LISER, entwéckelt gouf, konnt observéiert ginn, datt d'Wieler sech ganz spéit decidéieren, wiem si hir Stëmme ginn, seet de Raphael Kies vun der Uni Lëtzebuerg.
D'Wieler hätten hire Choix reegelrecht a leschter Minutt geholl, sou de Fuerscher. D'Hallschent vun den Notzer vu smartwielen hätten eréischt den Dag virun de Wahlen no Informatioune op smartwielen.lu gesicht. Dat géif weisen, datt d'Wieler ëmmer manner géife wëssen, fir wéi eng Partei oder Kandidate si wéilte wielen, doduerch géife Pronosticken a Sondagen nach méi schwéier. Vu 50.000 Persounen, déi de Service smartwiele benotzt hätten, hätten der ronn 20.000 eréischt de 25. Mee de Site consultéiert.
Smartwielen ass eng Plattform déi weise kann, wéi ee Kandidat a wéi eng Partei am nooste beim Wieler senge politeschen Iwwerzeegunge läit.
Méi zum Thema
Analys
Asyl- a Migratiounspolitik an de Wahlprogrammer
Wéi positionéiere sech déi zéng Parteie fir d'Europawahlen zu den Themen Asyl, Migratioun, Flüchtlingen an europäesch Baussegrenzen? En Iwwerbléck iwwer déi verschidde Wahlprogrammer.
Wat fir eng Partei passt am beschte bei mech?
D'Online-Instrument Smartwielen soll hëllefen, op déi Froen ze äntwere fir e méi bewosste Choix ze treffen. Wéi funktionéiert den Tool, wéi gouf en ausgeschafft a wat si seng Limitten?
Debatt tëschent fënnef europäesche Spëtzekandidaten
Als Optakt vun der waarmer Phas vum Europawahlkampf gouf d'Debatt annoncéiert, déi d'Universitéit vu Maastricht co-organiséiert huet. Verschidde Positioune waren an der Debatt awer net vertrueden.
Wéi ee Kandidat passt bei mech?
Op dës Fro versicht d'Web-Applikatioun Smartwielen.lu op eng spilleresch a pedagogesch Aart a Weis ze äntweren. D'Uni.lu an den Zentrum fir politesch Bildung hunn dës App weiderentwéckelt.
Tëscht Wëssensvermëttlung a Praxis
Demokratie léieren iwwer Wëssensvermëttlung a Praxis. Wéi onofhängeg ka politesch Bildung sinn? Wéi vill Fräiraum ass méiglech? A wat ass en Impakt an d'Roll vun de Medien an de soziale Medien?
