Drauwelies Wënzer si laangfristeg op Bewässerung ugewisen
Zu Lörzweiler bei Mainz an Däitschland huet d'Wäilies gëschter offiziell ugefaangen. Och hei zu Lëtzebuerg fänkt d'Wäilies ronn zwou Wochen éischter un: Fir Ufank September gëtt mat der Recolte ugefaangen, well Drauwe bei dësem waarme Wieder éischter konnte räifen, seet de Serge Fischer, Leeder vum Institut viti-vinicole vu Réimech am Interview mam Armanda Scheuer.
Armanda Scheuer: Wisou ass d'Wäilies dëst Joer scho sou fréi?
Serge Fischer: Wien elo scho laanscht d'Musel gefuer ass, dee gesäit dat. D'Pinot Noire sinn zum Beispill schonn am gaangen zeideg ze ginn, esou datt een elo praktesch zwou Wochen Avance an der Vegetatioun huet. D'Nuance ass awer, datt wéinst der Dréchent, eng Rei vu jonke Parzellen ënner dem Dréchestress leiden. D'Entwécklung vun där Drauf ass doduerch zeréckgesat ginn. Dat heescht et gëtt net alles op ee Punkt zeideg. Et kann natierlech sinn, datt deen een oder anere schonn Enn August geet, e Frühburgunder zum Beispill. De Gros vun den Zorte wéi Auxerrois a Rivaner wäert uganks September gelies ginn.
A.S: Rechent Dir mat Abéissen dëst Joer?
S.F: Ech ka keng Prognos maachen, de Summer ass nach net eriwwer. Mir wëssen awer aus vergaangene Joren, datt d'Dréchenheet e relativ staarken Afloss op den Ertrag kann hunn. 2003 war zum Beispill sou ee Joer.
A.S: Leit d'Qualitéit vun de Wäiner ënner dësem Wieder?
S.F: Grondsätzlech mierke mir de Klimawandel ganz gutt. Dee leschte Joergang, dee mir net zeideg krute war 1987. Fréier hate mir op der Musel de Problem, datt all véier oder fënnef Joer d'Drauwen net zeideg gi sinn. Dee Problem hu mir elo net méi, fir eis ass dat positiv. Dat eenzegt, wat mir elo nach fäerten, ass, datt d'Drauwen Enn August zeideg ginn, an datt et dann iwwer eng länger Zäit reent. An deem Fall géife mir Problemer mat der Fäulnis kréien, wat dann och erëm Ertragsverloschter bedeite géif.
A.S: Gëtt et momentan Méiglechkeete fir d'Wéngerten ze bewässeren?
S.F: 2003 koum déi éischt Kéier d'Fro vun enger Bewässerung fir d'Wéngerten op. Et gëtt de System vun der Tröpfchenbewässerung. Jonk Planze ginn awer einfach mam Schlauch genat. Bei dëser Diskussioun muss ee sech och d'Fro stellen, wou d'Waasser hierkënnt. Drénkwaasser kann een net bezuelen, wann een eng ganz Anlag muss bewässeren. Et misst ee sech d'Fro stellen, ob net éierens Opfangbecke kënne gebaut ginn, fir d'Reewaasser opzefänken. Wann d'Wieder an den nächste Jore weider esou waarm an dréchen ass, wäerte mir wahrscheinlech net laanscht déi Diskussioun kommen.
An der Mediathéik:
LauschterenMéi zum Thema
"Entspanntes Verhältnis zum Alkohol"
Wussten Sie, dass Karl Marx ein Weinliebhaber war und ein ziemlich hemmungsloser Weintrinker noch dazu? Pünktlich zum Karl-Marx Jahr haben einige Winzer ihr Etikett mit dem Konterfei des Philosophen geschmückt.
Riicht Eraus
Firwat Bauer ginn?
Wien e Bauerebetrib féiert, muss mat ville Risiken ëmgoen. Wie wëllt mathalen, brauch Land a modern Infrastrukturen a muss investéieren. Präisschwankungen op de Weltmäert reduzéieren d'Planungssécherheet.
Neit Naturschutzgesetz
Dat neit Naturschutzgesetz ass deels problematesch fir d'Baueren, seet d'Martine Hansen. Et wier kee Gesetz fir d'Landwirtschaft, mä fir e Land mat enger ganz begrenzter Fläch, sou den Henri Kox.
Nei Regele fir Bio-Liewensmëttel
No jorelaangen Diskussioune leien nei EU-Regele fir Bio-Produiten um Dësch. D'Bioverbänn fäerten, datt si Nodeeler bei der Ëmsetzung hunn.
Glyphosat: "D'Kaz bäisst sech an de Schwanz"
De Secteur erwaart sech méi Ënnerstëtzung fir d'Zäit nom Glyphosat, seet de Guy Feyder vun der Bauerenzentral. De Raymond Aendekerk vu Greenpeace fuerdert e séieren Ausstig aus dem Herbizid.
Agraringenieur: "D'Zukunft ass Bio"
Eng Majoritéit vun de Liewensmëttelskandaler aus deene leschte Joerzéngten ass op eng rationaliséiert an industrialiséiert Landwirtschaft zréckzeféieren. De Jean Stoll fuerdert een Ëmdenken.
