Leit campéiere virun SNHBM "Weist d'Dramatik vun der Lag zu Lëtzebuerg"
Déi lescht Nuecht hunn eng Rei Persounen virum Gebai vun der SNHBM op der Kalchesbréck d'Nuecht verbruecht, fir de Mëttwoch Moien ënner den Éischten ze sinn, déi sech op eng Lëscht fir een Haiserprojet zu Alzeng aschreiwen.
Den Interview mam Guy Entringer
Dës Meldung vun RTL confirméiert den Direkter vun der Société nationale des habitations à bon marché Guy Entringer. De Méindeg um véier Auer nomëttes hätte sech déi éischt Leit op der Plaz afonnt, bis néng Auer owes wieren eng zwanzeg Leit do gewiescht, déi bis de Moie bliwwe wieren. Bis néng Auer de Moien hat d'SNHBM 130 Demandë fir een Haus oder een Appartement um Dësch leien. Et wier scho fir zweet, datt Leit géife virun der Dier iwwernuechte fir moies vir bäi ze si bei den Aschreiwungen - déi aktuell Prozedur gesäit vir, datt den Accès op d'Biene vun der SNHBM der Rei no un d'Demandeure verdeelt ginn, déi sech umellen.
Déi Prozedur misst awer elo geännert ginn, sou de Guy Entringer, fir datt déi Situatioun sech net widderhëlt. D'SNHBM géif vun hirem Succès iwwerrannt ginn, an d'Situatioun vun der leschter Nuecht géif "d'Dramatik vun der Lag" um Logementsmarché zu Lëtzebuerg weisen, sou nach den Direkter vun der SNHBM.
Méi zum Thema
SNHBM: innovative Logementsprojet zu Ollem
D'SNHBM wëllt e Projet mat 750 Haiser an Appartementer zu Ollem realiséieren, op engem eegenen Terrain vu 27 Hektar. De Projet soll eng héich Liewensqualitéit garantéieren.
Exklusiv
Geplangte Kapitalerhéijung bei der SNHBM
D'"Société Nationale d'Habitation à Bon Marché" schafft un enger Kapitalerhéijung. Wéinst hirer Expansioun soll d'SNHBM viraussiichtlech zéng Milliounen zousätzlech zur Verfügung gestallt kréien.
