SYFEL Weider géint d'Ofschafe vu Kierchefabricken aktiv

De 17. Januar gouf d'Gesetz iwwert d'Ofschafe vun de Kierchefabricken an der Chamber gestëmmt. Am Abrëll trëtt et a Kraaft. De Syfel, den Daachverband vun de Kierchefabricken, wäert weiderhin dogéint juristesch aktiv bleiwen. Et géif ee bis op Stroossbuerg goen, seet de Serge Eberhard, de President vum Syfel .

Carole Schimmer / cbi

syfel
De Marc Linden an de Serge Eberhard.

An enger éischter Phase leeft de Recours géint d'Konventioun iwwert d'Trennung vu Kierch a Staat, déi tëscht dem Bistum an der Regierung ënnerschriwwe gouf. Iwwer 100 Kierchefabricken hate souwuel den Inneminister, de Kultus- a Premierminister, ewéi och de Generalvikar an den Äerzbëschof wéinst där Konventioun ugesicht. Déi Geriichtsprozedur ass nach am gaangen. D'Gesetz selwer trëtt eréischt am Abrëll a Kraaft. Deen Ament kéinten d'Kierchefabricken eng weider Plainte areeche wéinst Expropriatioun.

Dier vum Generalvikar ass zougespaart

Nom Vote vum Gesetz hat de Generalvikar Leo Wagener op enger Pressekonferenz präziséiert, seng Diere géifen opbleiwe fir all déi, déi am zukünftege Kierchefong wéilte matschaffen. An den Ae vum Marc Linden, Vizepresident vum Syfel, wier déi Dier allerdéngs zougespaart. Wéi wäit déi Dier effektiv opsteet géif am Endeffekt dovunner ofhänken, wéi den zukünftege Statut vum neie Kierchefong ausgesäit. Wichteg fir de Syfel bleift d'Fro vun der Dezentraliséierung an d'reellt Matsproocherecht. An deem geplangte Statut vum Kierchefong, sou wéi de Bistum dee bis elo provisoresch ausgeschafft huet, géif déi Dezentraliséierung net wäit genuch goen, seet de Syfel.

Keng Mass méi an desaffektéiert Kierchen!

D'Gesetz iwwert d'Ofschafe vun de Kierchefabricke leet d'Propriétéitsverhältnisser vun de Kierchegebaier fest. An enger Annexe ginn iwwerdeems all d'Kierchen an hir jeeweileg Proprietären opgelëscht, dat heescht entweder d'Gemeng oder de Kierchefong. An enger weiderer Annexe konnt de Bistum festleeën, wéi eng vun de Kierchegebaier, déi de Gemenge gehéieren, als wichteg fir d'Ausübe vum Kultus consideréiert ginn. Am Ganze stinn eng 100 Kierchen an där Annexe. Déi aner Kierchegebaier, déi de Gemenge gehéieren, kënnen op Ufro vun de Gemenge vum Bistum desakraliséiert ginn a fir aner Zwecker genotzt ginn. "Do ginn da keng Masse méi ofgehalen, contrairement zu deem wat d'Stater Buergermeeschtesch Lydie Polfer gesot huet", seet de Marc Linden.

An der Mediathéik:

Invité vum Dag / / Carole Schimmer
Lauschteren

Méi zum Thema

Kierch
Kathoulesch Kierch

D'Diskussioun iwwert d'Zukunft vun de Kierchefabricken huet hire virleefegen Héichpunkt erreecht. Mee wourëm geet et eigentlech? E Réckbléck op en Dossier, deen Originne beim Napoleon huet.

Riicht Eraus Riicht Eraus
Méi grouss Trennung tëscht Kierch a Staat

Den Inneminister ass am Sträit ëm d'Zukunft vun de Kierchefabricken net averstane mam Virschlag vum Bistum a vum Syfel. Hien huet e Géigevirschlag gemaach - a wënscht sech bis de Méindeg eng Äntwert.

Programm

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen