Méiglech Upassungen Vum 12. Juni un: Eventuell manner streng Mesuren
Fir den Horeca-Beräich kéinten et nom 12. Juni manner streng Mesurë ginn: wat d'Regierung plangt soll dëse Mëttwoch oder Freideg matgedeelt ginn.
Eng Optioun wier d'Ofschafe respektiv eng weider manner restriktiv Ausgangsspär, esou de Mars Di Bartolomeo no der Sitzung de Moie vun den zoustännege Chamberkommissiounen iwwert d'Réouvertures-Strategie fir den Horeca.
Eng aner Optioun wieren "nei Rechter" fir Geimpfter, Geheelter oder geteste Leit: Dat kéint zu däitleche Vereinfachungen och am Horeca-Secteur féieren, esou den LSAP-Deputéierten.
D'Situatioun um Terrain hätt sech däitlech verbessert, ë.a. wéinst de Fortschrëtter bei der Impfcampagne an der "positiver Perspektiv" vum sougenannten 3G-Certificat, dee virun der Dir stéing an hei am Land däitlech virun 1. Juli soll kommen, esou de Mars Di Bartolomeo. Een Datum fir d'Aféierung géif et nach net ginn.
Méi zum Thema
Horeca: Weider 500.000 Schnelltester vum Staat
Den Horeca-Secteur kritt zousätzlech 500.000 Schnelltester vum Staat: dat hunn de Mëttelstandsministère an d'Horesca eis op Nofro hi matgedeelt. D'Verdeele vun dëser zweeter Ladung wier de Moment voll am Gaangen.
Antikierper-Test am Drive-In
Ronn 15 Prozent vun der Populatioun hunn de Moment Corona-Antikierper: fir ze suivéiere wéi dëse Prozentsaz sech entwéckelt, gëtt zënter dem 3. Mee am Kader vum Large-Scale-Testing och e sougenannten "Dried blood spot testing" gemaach.
