Europawahlen 2019 Viviane Reding kandidéiert net fir d'Europaparlament
D'Viviane Reding kandidéiert net bei den Europawahlen: si wier net un enger Kandidatur interesséiert, huet déi 67 Joer al Chamber-Deputéiert dem radio 100,7 op Nofro hi matgedeelt.
Bei den Europawahlen 2014 war d'Viviane Reding d'CSV-Spëtzekandidatin a si hat vun alle Kandidaten déi meeschte Stëmme kritt. Hiert Mandat am Europaparlament hat si am September d'lescht Joer niddergeluecht fir bei de Chamberwahlen unzetrieden. Op der CSV-Lëscht am Zentrum gouf déi fréier laangjäreg EU-Kommissärin als Véiert an d'Chamber gewielt.
Wien déi dräi Fraen an dräi Männer sinn, déi fir d'CSV bei den Europawahlen de 26. Mee dëst Joer untrieden, dierft d'nächst Woch decidéiert ginn. Den neien CSV-Parteipresident Frank Engel hat dës Woch op RTL däitlech gemaach, datt hien eng Preferenz fir eng "nei frësch Europalëscht" hätt.
Vun de sechs Lëtzebuerger Deputéierten am Europaparlament sinn der de Moment dräi vun der CSV.
Méi zum Thema
Eng Ouverture vun der CSV
De Fernand Kartheiser fënnt d'Iddi "inakzeptabel", datt den neien CSV-President sech oppe weist fir d'Wahlrecht fir Auslänner ze erweideren. D'Laura Zuccoli weist sech frou iwwer "all Fortschrëtt".
Riicht Eraus
Den neie Chef a säi Blitzableiter
Den neie Parteipresident Frank Engel an den neie Generalsekretär Félix Eischen iwwer hire Stil an hir Ambitioune fir d'Zukunft.
