Uni Lëtzebuerg Stéphane Pallage gëtt neie Recteur

De Regierungsrot huet de belschen Economist als Recteur genannt, op Propose vum Conseil de Gouvernance. Och de Conseil Universitaire hat der Nominatioun an engem consultativen Avis zougestëmmt.

Pia Oppel

Stéphane Pallage
(Foto: ©Université de Luxembourg)

D'Nominatioun vum Stéphane Pallage als Recteur vun der Uni Lëtzebuerg ass op dësem Freideg, 6. Oktober, vum Regierungsrot decidéiert ginn. Dat huet den deleguéierten Héichschoulminister Marc Hansen eis confirméiert.

Säi Mandat trëtt de Stéphane Pallage den 1. Januar un, esou d'Uni an enger Matdeelung. De Vize-Recteur Ludwig Neyses, deen zënter Mee Interims-Recteur ass, leed d'Dagesgeschäft bis zum Untrëtt vum neie Recteur.

De Conseil Universitaire huet eisen Informatiounen no gëschter e positiven Avis formuléiert. Den Avis vun deem Gremium, an deem d'Personal an d'Studente vun der Uni Lëtzebuerg vertruede sinn, ass konsultativ.

Wéi de radio 100,7 de 5. Oktober gemellt huet, proposéiert de Conseil de Gouvernance vun der Uni de Stéphane Pallage als neie Recteur. De belschen Economist schafft aktuell am Kanada op der Universitéit vum Québec zu Montreal.

D'Uni sicht een neie Recteur, nodeems de Rainer Klump am Mee an der Suite vun administrativen a budgetären Turbulenzen zréck getruede war.

Méi zum Thema

Uni Lëtzebuerg Exklusiv
Uni Lëtzebuerg

D'Uni Lëtzebuerg hätt mam Ekonomist Stéphane Pallage bannent kuerzer Zäit ee Successeur fir de Rainer Klump fonnt, deen am Mee zréckgetruede war. Dat an der Suite vun administrativen a budgetären Turbulenzen.

Georg Mein
Uni

Den neie Rektor muss d'Universitéit international gutt opstellen, seet den Doyen vun der Fakultéit vun de Geeschteswëssenschaften. De Georg Mein fuerdert gutt Konditioune fir gutt Personal unzezéien.

Raymond Bisdorff / Martine Hansen / Marc Hansen
Uni Lëtzebuerg

Den delegéierten Héichschouliminister Marc Hansen an d'CSV-Deputéiert Martine Hansen plaidéiere fir ee staarkt externt Opsiichtsgremium. D'Proffe mussen d'Soen hunn, fënnt de Raymond Bisdorff (APUL).

Uni Lëtzebuerg
Uni Lëtzebuerg

Eng Rekrutementskommissioun ouni Regierungsvertrieder ass beoptraagt, fir en neie Recteur ze fannen. D'Gestioun vum Budget soll Deel vum Dagesgeschäft a méi transparent ginn.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen