Sozialdialog Tripartite ass Ufank Juli
"Ech sinn der Meenung, datt eng Tripartite schonn néideg wier", esou de Xavier Bettel haut no senge Gespréicher mat de Sozialpartner am Schlass zu Senneng. Et wier wichteg, datt d'Regierung, d'Gewerkschaften an d'Patrone sech Ufank Juli ronderëm een Dësch versammele fir sech e Plang ze gi fir d'Land wirtschaftlech ze stäerken an de Chômage esou niddereg wéi méiglech ze halen, esou de Premier.
De Xavier Bettel huet kuerz virum Regierungsrot ugekënnegt, datt hie seng Kolleege Ministeren eng Tripartie wäert proposéieren. Een Datum dofir géif et nach net ginn.
Déi getrennte Gespréicher vun de Regierungsvertrieder mat de Gewerkschaften a mam Patronat bis an de fréie Mëtteg wiere "gutt Gespréicher" gewiescht, iwwer d'Finanzlag, d'Aarbechtslosegkeet, d'Hëllefe fir d'Entreprisen an iwwer d'Sécurité sociale.
D'OGBL-Presidentin Nora Back huet sech zefridde gewisen, datt d'Ministeren haut versprach hätten, datt et keng Austeritéitspolitik soll ginn, fir d'Finanzéierung vun de Krise-Mesuren.
Méi zum Thema
National Tripartite am Juli net ausgeschloss
OGBL, LCGB a CGFP ginn dovun aus, datt an der éischter Hallschent Juli eng national Tripartite ass. Dat hunn d'Vertrieder vun den dräi Gewerkschaften an der Mëttesstonn däitlech gemaach.
LCGB fuerdert Konzept fir d'Leit an der Beschäftegung ze halen
Den LCGB kritiséiert d'Decisioun vun der Regierung, fir de Betriber d'Méiglechkeet ze ginn bis zu engem Véierels vun hirem Personal ze entloossen, ouni den Usproch op déi staatlech Krisen-Hëllefen ze verléieren.
Sozialpartner gi méi enk an d'Exit-Strategie agebonnen
D'Gewerkschaften an d'Patronat waren den Donneschdeg vun der Regierung an d'Schlass vu Senneng invitéiert ginn, fir a separate Gespréicher iwwer den ekonomeschen a sozialen Impakt vun der Corona-Kris ze schwätzen.
OGBL: "Net ubruecht elo iwwer de Congé collectif ze schwätzen"
"Mir verstinn absolut net, wéi een an dësen Zäite vun der Summervakanz ka schwätzen", esou d'OGBL-Presidentin Nora Back. Och wa vill Leit am Moment net schaffe ginn, wier dat kee Congé.
