EUROPÄESCHE WOCHERÉCKBLÉCK Timmermans vs Weber: Wien ass dee Beschten?
Gutt eng Woch virun den Europawahlen hëlt d'Zuel vun den Debate mat Spëtzekandidaten zou. Et schéngt, wéi wann dës Kéier e bësse méi gestridde gëtt, wéi am Wahlkampf viru fënnef Joer. Gëtt et Gewënner bei dësen Debaten? A wat brénge sou Sträitgespréicher eigentlech?
Op gestridde gëtt oder net läit natierlech ëmmer un de Persounen. Virun de leschte Wahle stounge sech d'Spëtzekandidate Jean-Claude Juncker (Europäesch Vollekspartei) an de Martin Schulz (Europäesch Sozialdemokraten. S&D) géintiwwer. Si hunn net vill gestridden.
Dës Kéier ass dat anescht. Tëschent dem Manfred Weber (EVP) an dem Frans Timmermans (S&D) kraacht et zwar net gewalteg, mee si weisen duerchaus ënnerschiddlech Positiounen op verschiddenen Themen. Zum Beispill an der Sozialpolitik, mee och an der Klimapolitik. Wéi eng Ënnerscheeder sinn dat genee? An huet de Frans Timmermans iwwerhaapt eng Chance géint de Manfred Weber?
Lauschtert d'Gespréich mat eiser EU-Korrespondentin Danièle Weber.
An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Analys
Schwaach Argumenter géint Spëtzekandidaten
An der EU gëtt driwwer gestridden, wéi d'Poste solle verdeelt ginn. Soll ee vun den europäesche Spëtzekandidate Kommissiounspresident ginn? D'Géigner vum System hu schwaach Argumenter, fënnt d'Danièle Weber.
Konzept vum Spëtzekandidat net ouni transnational Lëschten
Den Nicolas Schmit, LSAP-Spëtzekandidat fir d'Europawahlen, ass dogéint, datt de Spëtzekandidat vun der stäerkster Fraktioun automatesch EU-Kommissiounspresident gëtt. Dat géif esou net an den Traitéë stoen.
Debatt tëschent fënnef europäesche Spëtzekandidaten
Als Optakt vun der waarmer Phas vum Europawahlkampf gouf d'Debatt annoncéiert, déi d'Universitéit vu Maastricht co-organiséiert huet. Verschidde Positioune waren an der Debatt awer net vertrueden.
