Musée fir zäitgenëssesch Konscht Suzanne Cotter als Direktesch confirméiert
D'Australierin Suzanne Cotter gëtt nei Direktesch vum Musée fir zäitgenëssesch Konscht. Dat huet de Laurent Loschetter, Member vum Mudam-Verwaltungsrot, haut der Press géigeniwwer confirméiert. Si iwwerhëlt domat d'Successioun vum Enrico Lunghi, deen Enn 2016 demissionéiert hat.
Et ass elo offiziell: D'Suzanne Cotter gëtt nei Direktesch vum Mudam. De Musée fir zäitgenëssesch Konscht huet déi 100,7-Nouvelle um Freideg Moien virun der Press confirméiert. D'Suzanne Cotter fänkt op den éischte Januar 2018 un. D'Australierin hätt e rise Carnet d'Adresse. Si hätt nach an all Musée an hirer Carrière eng grouss Ouverture hi kritt an eng Integratioun no bannen, sot de Laurent Loschetter, Member vum Mudam-Verwaltungsrot, virun der Press. D'Suzanne Cotter hätt eng absolut Fräiheet gefrot fir de Kaf vu Konschtwierker. Si wier vum groussaartege Gebai vum Mudam a vun der Multikulturalitéit hei am Land iwwerzeegt. D'Suzanne Cotter ass zënter 2013 Direktesch vum Serralves Musée zu Porto a Portugal. Dem Verwaltungsrot no goufen et 43 passend Kandidaturen, dovunner dräi vu Lëtzebuerger.
Méi zum Thema
Exklusiv
Suzanne Cotter nei Mudam-Direktesch
D'Australierin Suzanne Cotter gëtt nei Direktesch vum Mudam. Dat huet eng gutt informéiert Source eis confirméiert. Si iwwerhëlt d'Successioun vum Enrico Lunghi, deen Enn 2016 demissionéiert hat.
