Waassersydikat Südgemengen: de Präis vum Waasser geet erop

De Waasserpräis wäert an 22 Südgemengen op den 1. Januar ëm 40 Cent de Meterkibb klammen. Dat huet de Comité vum SES, dem Syndicat des Eaux du Sud, de leschte Freideg eestëmmeg esou decidéiert.

Christiane Kleer / cbi

Drénkwaasser
Symbolbild. Foto: Bigstock / sdfqwe7

Lauschteren


Keen hätt déi Decisioun mat Begeeschterung geholl, mee si wier awer néideg gewiescht, dat seet den Tom Jungen, Buergermeeschter vu Réiser a President vum SES, am 100,7-Interview.

EStroumpräisexplosioun fir Stauséisyndikat

Hannergrond ass de Budget vum Waassersyndikat: ouni déi Hausse vun 1,50 Euro op 1,90 Euro pro Meterkibb wier dee Budget net méi am Equiliber bliwwen, sou den Tom Jungen.

An dee Budget hänkt direkt vun deem vum Stauséisyndikat SEBES of, erkläert den Tom Jungen: d'Hallschent vum Drénkwaasser, wat am Süden ausgeliwwert gëtt, kënnt aus dem Stauséi.

Well de SEBES seng Präisser wéinst der Explosioun vun de Stroumpräisser awer huet missten upassen, misst de Waassersyndikat aus dem Süden seng Präisser och upassen.

60 bis 70 Euro pro Stot pro Joer

Op d'Stéit hätt déi Hausse net direkt een Impakt, dat well deen an enger éischter Phas reng op d'Gemengen duerkënnt. Well de Präis, dee si den Endkonsument:inne berechnen, awer dem Gesetz no muss käschtendeckend sinn, kommen och d'Stéit net dolaanscht méi déif an d'Täsch ze gräifen.

Fir de Waasserpräis vun de Gemengen ze berechnen, missten d'Käschte vun engem ganze Budgetsjoer afléissen. Dowéinst hätt dat fir d'Bierger:innen eréischt een Impakt am Joer 2024.

De President vum Waassersyndikat vum Süde schätzt, datt d'Hausse am Duerchschnëtt 60 bis 70 Euro pro Stot am Joer wäert ausmaachen.

D'Entscheedung vun de Membere vum SES-Comité, an deem exklusiv Gemengevertrieder setzen, bezeechent den SES-President als "alternativlos":

"De Comité huet déi Decisioun net gär geholl, mee mir hu se an Unanimitéit geholl, well einfach all d'Facteuren an aller Transparenz um Dësch louchen."

Zum Waassersyndikat SES gehéiert de ganze Südweste vum Land dorënner anerem déi grouss Südgemengen Esch, Déifferdeng an Diddeleng. Nieft den 22 Gemenge sinn och eng Rei Betriber direkt un den SES ugeschloss.

Méi zum Thema

Waasser
Waasser

D'Qualitéit vum Grondwaasser ass net wierklech besser ginn, äntwert dem Ëmweltministère op eng parlamentaresch Fro. Trotz all de Mesure vun de leschte Joren. Dat huet och Auswierkungen op d'Drénkwaasser.

Grondwaasser
Weltwaasserdag

Een Drëttel vum Grondwaasser kann net als Drénkwaasser benotzt ginn, well et ze knaschteg ass. 13.000 Kubikmeter kéinte pro Dag net méi geliwwert ginn, seet d'Magali Bernard vun der Waasserverwaltung.

Drénkwaasser
EUROPA AKTUELL

Zanter méi wei zwee Méint gëllt déi nei Drénkwaasserdirektiv an der EU. Si bréngt eng Rei Erneierungen, dorënner sécheren Zougang zum Drénkwaasser an erweidert Parametere fir d'Kontroll vum Waasser.

Jean-Paul Lickes
Drénkwaasserversuergung

Well d'Populatioun an d'Temperature weider klammen, géif nieft dem Stauséi eng weider gréisser Drénkwaasserquell gebraucht ginn, esou de Jean-Paul Lickes. Op der Musel géif dofir am Moment no konkrete Léisunge gesicht ginn.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen