Chambre des Salariés Sozial Gerechtegkeet: D'Regierung beweegt sech "an déi richteg Richtung"
Déi aktuell Regierung huet mei fir d’sozial Gerechtegkeet gemaach, wei déi virëscht Regierung, seet de President vun der Chambre des Salariés. De Jean Claude Reding betount awer et wär nach ze fréi fir ze soen op d’Situatioun sech laangfristeg verbessert.
D’Situatioun a Saache Chômage, Aarmut a sozial Inegalitéiten wär iwwer déi läscht zwee Joer "liicht besser ginn," esou de President vun der Chambre des Salariés. D’Verbesserung vun der ekonomescher Situatioun wär awer "net bei jidderengem d’nämmlecht ukomm." Wann een d’Chifferen genee analyséiert, da géif ee mierken, datt virun allem déi Leit profitéiert hunn, déi e bessert Akommes hunn. Leit mat méi niddrege Léin géifen dogéint "nach ëmmer historesch déif léien," esou de Jean-Claude Reding.
Bis 2014 war d'Tendenz "ganz negativ"
Déi blo-rout-gréng Regierung hätt a leschter Zäit méi gemaach fir d’sozial Inegalitéiten ze bekämpfen. "D'Tendenz, déi vun de Regierunge virdrun do war, war ganz negativ, an dat weist sech och an den Zuelen, déi mer bis 2014 haten," esou de President vun der CSL. Wann d’Situatioun sech elo verbessert, da géing dat awer net nëmmen un der aktueller Regierung léien, et hätt och mat der allgemenger ekonomescher Situatioun vum Land ze dinn.
D’Regierung hätt eng Rei Moossnamen geholl, déi an déi "richteg Richtung" ginn, zum Beispill mat der Steierreform oder der Adaptatioun vum Mindestloun. Et wär awer nach ze fréi fir anzeschätzen op d’Inegalitéiten doduerch laangfristeg méi kléng ginn. Fir dat ze garantéieren, missten nach weider Mesuren geholl ginn seet de Jean-Claude Reding: "Mir sinn der Meenung, datt de Mindestloun ëm 10 Prozent misst eropgesat ginn, fir op e Niveau ze kommen, wou een net méi aarm ass wann ee schafft."
An der Mediathéik:
LauschterenMéi zum Thema
Dat Soziaalt méi no vir bréngen
D'EU muss hir Politik änneren an um soziale Plang méi aktiv ginn. Datt an Europa Leit op der Strooss liewen, wier en Zeeche vu kollektivem Versoen an der Sozialpolitik, fënnt de Jean-Claude Reding.
Manner schaffen, mat oder ouni Abousse beim Loun?
Ass et nees un der Zäit, déi legal Wochenaarbechtszäit zu Lëtzebuerg ze kierzen? Wéi géif dat bezuelt ginn? Eng Diskussioun tëschent dem Nico Clement (OGBL) an dem Nicolas Henckes (UEL).
Carlo Thelen a Jean-Claude Reding iwwert de Budget 2016
Et wär positiv, datt déi staatlech Investissementer eropginn. Do sinn de President vun der Chambre de commerce an de President vun der Salariatskammer sech eenz. Op anere Punkten awer net.
J.-C. Reding: Steierdokument ass verkierzten Realitéitsduerstellung
De President vun der Chambre des Salariés ass zouversiichtlech, dass d’Diskussiounen tëschent de Sozialpartner am Wirtschafts- a Sozialrot dozou bäidroen eng méi objektiv Duerstellung vun der Steierverdeelung ze kréien.
