500 Joer Reformatioun Selbstreflexioun an der evangelescher Kierch

Déi traditionell Kierchen hätten et schwéier an engem Maart vu Spiritualitéit, seet d'Margot Käßmann. Déi evangelesch Theologin a fréier Bëschofin mengt, datt d'Kierche sech wäerte veränneren an nach eng Zukunft hunn. De Reformatiounsjubiläum hätt et erlaabt, fir sech kritesch mam Personnage Martin Luther auserneenzesetzen.

Mick Entringer

Margot Käßmann
Margot Käßmann (Foto: picture alliance / Klaus-Dietmar Gabbert/dpa-Zentralbild/ZB)

Déi evangelesch Kierch feiert dëst Joer 500 Joer Reformatioun. De Martin Luther hat 1517 seng 95 Theesen un d'Schlasskierch vu Wittenberg geneelt, an domadder de Grondsteen geluecht vun enger neier Kierch. An och vu jorelaange Reliounskricher. D'Theologin Margot Kässmann huet als offiziell Ambassadrice d'Feierlechkeete fir déi däitsch evangelesch Kierch geleet.

250 Milliounen Euro goufe fir d'Jubiläumsjoer ausginn.

D'Sekulariséierung an de Maart vun der Spiritualitéit

An Däitschland géif d'Sekulariséierung ëm sech gräifen. Dat géif déi evangelesch an déi kathoulesch Kierch d'selwecht treffen, seet d'Margot Käßmann. 22 Millioune Protestante ginn et an Däitschland, 23 Millioune Katholiken.

Besonnesch an Ostdäitschland, wou d'Chrëschten et schwéier gehat hätte fir bei hirer Relioun ze bleiwen, wier d'Situatioun schwiereg. Esou géif et an der Lutherstad Wittenberg just zwielef Prozent Chrëschte ginn. Zu Eisleben, wou de Martin Luther gebuer a gestuerwen ass, géifen et just siwe Prozent Chrëschte ginn, seet d'Margot Kässmann. Dat wiere schonn dramatesch Zuelen.

"Spiritualitéit ass e Maart ginn", seet d'Margot Käßmann. Mënsche géinge Chi-Gong Coursen a Yoga maachen. Si géife sech déi Spiritualitéit huelen, déi zu hirem Liewensstil géif passen. Eng Glawensgemeinschaft, déi sech op d'Bibel bezitt an als Gemeinschaft Mass feiert, hätt et an deem Kontext schwéier. "D'Kierch wäert sech veränneren, mä wäert Kierch bleiwen. Och an der Zukunft."

D'Kierchen an der globaliséierter Welt

Wéi musse sech Kierchen an Zukunft opstellen, fir nach eng Roll an der Gesellschaft ze spillen? Andeems si sech mat aktuellen Theme beschäftegen, wéi der Globaliséierung, seet d'Theologin. Esou wier zum Beispill de Reformatiounsjubiläum net nationalistesch gefeiert ginn, mä ganz international mat Kierchen aus der ganzer Welt. Dat wier eng Äntwert an enger Zäit, wou Nationalismus aus der "Mottenkiste der Geschichte" erausgeholl géif ginn.

"Et ass wichteg, datt d'Kierch seet: Mir sinn iwwert déi national Grenzen ewech eng Gemeinschaft, déi an dëser globaliséierter Welt och d'Fro no de Wäerter stellt. Et gëtt net just Weltwirtschaft a Weltpolitik, mä och Weltethik".

Kritesch Ausernanersetzung mam Martin Luther

De 500. Reformatiounsanniversaire wier genotzt ginn, fir de Personnage Martin Luther kritesch ze hannerfroen. "Endlech hu mir säin Antijudaismus oppen diskutéiert." Déi evangelesch Kierch an Däitschland hätt sech vum Luther senge "Judenschrëften" distanzéiert. Dat wier och Zäit ginn, seet d'Margot Käßmann. Mä och dem Luther seng gewaltvoll Sprooch géing mëttlerweil kritesch gekuckt ginn. Esou wéi seng Roll an den Hexeverfolgungen.

D'Margot Käßmann war Landesbëschofin vun Hannover a vu 2009-2010 Virsëtzend vun der Evangelescher Kierch an Däitschland.

Margot Käßmann

Méi zum Thema

Michel Pauly Meenung
Gesellschaft

Vill ass an der Lescht iwwert d'Trennung vu Kierch an Staat diskutéiert ginn. Fir kritesch Chrëschte war déi Trennung längst iwwerfälleg. Mä wéi ass et mat der Trennung vu Kierch an CSV?

Eege Reliounscoursë vum Bistum
Reliounsunterrecht

Well de Reliounsunterrecht an de Grondschoulen ofgeschaaft gouf, organiséiert de Bistum elo eege Coursen. Déi sougenannt "Catechèse" baussent de Schoulen z'organiséiere wier eng Erausfuerderung.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Generatiounen

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen