Sozialwahlen 2019 Sech net just beschwéieren, mee eppes veränneren

Den 12. Mäerz si Sozialwahlen. An de ronn 3.800 Betriber zu Lëtzebuerg, an deene méi wéi 15 Leit schaffen, gëtt eng nei Personaldelegatioun gewielt. Wat ass de Rôle vun engem Personaldelegéierten a wéi gesäit esou en Alldag aus?

Tessy Steffen Koenig / Chris Zeien

Manifestatioun-OGBL-LCGB
Foto: Archiv

Dräi Personaldelegéiert aus ënnerschiddleche Beruffssecteuren erzielen, wat sech an deene leschte Joren an hirem Betrib geännert huet, wou d'Defie sinn a wisou si sech engagéieren, fir de Salariéen ze hëllefen.

De John Blum gesäit sech dacks als Sozialaarbechter an net just als Gewerkschaftler

De John Blum ass zanter néng Joer permanente Personaldelegéierte vum LCGB bei der Goodyear. Et wier eng intensiv Aarbecht, mee si géif dem John Blum et erméiglechen, de Betrib mat ze veränneren an d'Aarbechtskonditioune fir déi ronn 3.400 Salariéen ze verbesseren.

Den LCGB-Delegéierte bei der Goodyear John Blum


D'Vanessa Vansteene schafft zënter 2013 als permanent Personaldelegéiert bei der KBL

Als Personaldelegéiert hätt ee vill Reuniounen, et misst een Analyse maachen a virun allem de Kolleegen aktiv nolauschteren a si begleeden, esou d'Vanessa Vansteene, Personaldelegéiert vun der Bankegewerkschaft ALEBA. Et wier net ëmmer liicht, d'Aarbecht net mat heem ze huelen, besonnesch wann ee méi e schwieregen Dag hat.

D'ALEBA-Delegéiert erzielt aus hirem Alldag


E Personaldelegéierte vertrëtt d'Interesse vun de Salariéen, esou de Patrick Ourth.

Zanter 26 Joer ass hien am Betrib engagéiert a vun 2003 u permanente Personaldelegéierte vum OGBL am Cactus. Dem Patrick Ourth geet et, och no enger Partie Joren als Personaldelegéierten, ëmmer nach besonnesch no, wann ee Mataarbechter entlooss gëtt. Doru kéint hie sech "ni gewinnen".

De permanenten OGBL-Personaldelegéierte beim Cactus

Méi zum Thema

Delegatiounswahlen
Sozialwahlen 2019

An alle Betriber, an deene 15 oder méi Leit schaffen, ass d'Personal den 12. Mäerz opgeruff seng Delegatioun ze wielen. Wéi lafen déi Wahlen genee of?

Georges Merenz an d'Mylène Bianchy
Sozialwahlen 2019

D'Mylène Bianchy (Syprolux) fuerdert, datt d'Kommunikatioun vun der CFL méi proaktiv misst ginn. Fir de Georges Merenz (Landesverband) misst déi extern an déi intern Kommunikatioun verbessert ginn.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen