Gemengewahlen Schëffleng: Wie stellt de Buergermeeschter?
D'CSV krut zwee Sëtzer bäi a kënnt op sechs Mandater. Also d'selwecht vill, wéi d'LSAP. "Mir si méi wéi zefridden", seet dozou den CSV-Spëtzekandidat Pierrot Feiereisen. Hie war bei de leschte Gemengewahlen den Zweetgewielten, konnt säi Mandat awer och deemools schonn net untrieden. "Lo sinn ech deen Éischtgewielten an et geet erëm eng Kéier net duer."
Mä hie géif sengem Brudder häerzlech felicitéieren, seet de Pierrot Feiereisen. D'CSV Schëffleng wier awer de "moralesche Gewënner". Hien hätt méi perséinlech Stëmme wéi säi Brudder kritt, esou den CSV-Spëtzekandidat weider. "Wat trotz allem eng Bestätegung ass." Am Süde géifen d'Sozialisten a sengen Ae vill vun de Lëschtestëmme profitéieren. "Dat ass u sech dat, wat den Ausschlag zu mengem Brudder ginn huet."
"Optrag fir Koalitiounsgespréicher ze féieren"
Am Gewënn vun deenen zwee Sëtz am Verglach mat 2011 géif d'CSV den Optrag gesinn, fir Koalitiounsgespréicher ze féieren. "Déi Koalitiounsgespréicher, déi wäerte mir féieren."
Zu enger méiglecher Koalitioun wollt säi Brudder, de Carlo Feiereisen sengersäits nach näischt soen. Hien huet awer ënnerstrach, datt d'LSAP ganz gutt mam Koalitiounspartner zesummegeschafft hätt. Dat misst ee respektéieren. "Schëffleng steet viru groussen Erausfuerderungen déi nächst Joren. An do ass et wichteg, gutt opgestallt ze sinn am Gemengerot, fir déi richteg Decisiounen ze huele fir Schëffleng"
Méi zum Thema
Negativtrend vun LSAP: "Kloen op héchstem Niveau"
Et wier en "nationalen Trend", datt d'CSV vill Lëschtestëmme géif kréien, seet den LSAP-Parteipresident Claude Haagen. D'LSAP huet just nach an dräi Gemengen eng absolut Majoritéit.
Octavie Modert nächst Buergermeeschtesch zu Stadbriedemes
Déi fréier CSV-Ministesch ass zu Stadbriedemes Éischtgewielt ginn. Grouss Changementer géifen et awer net ginn. D'Gemeng wier vum aktuelle Buergermeeschter gutt geréiert ginn, seet d'Octavie Modert.
"Le maire de Mamer"
Zu Mamer hunn d'LSAP an d'CSV direkt nees e Koalitiounsvertrag ënnerschriwwen. Béid Parteie behalen hir Sëtz. De Gilles Roth (CSV) an de Roger Negri (LSAP) wëllen hir Kollaboratioun weiderféieren.
"Ech soen net: Ech si géint d'Ofschafe vun Duebelmandater"
Engersäits wieren d'Buergermeeschtere méi no um Terrain. Dat wier an der Chamber vu Virdeel, mengt den Inneminister Dan Kersch. Mä d'Erfahrung an der Chamber wier och nëtzlech fir d'Aarbecht an de Gemengen.
