Esch 2022 Sam Tanson hofft, datt Konventioune geschwënn ënnerschriwwe ginn

Bis ewell goufe just 20 vun den 132 Projet-Konventioune fir Esch 2022 ënnerschriwwen. Dat hunn d'Organisateuren dem radio 100,7 confirméiert. D'Kulturministerin Sam Tanson hofft, datt déi kriddeleg Punkten an de Konventioune geschwë gekläert sinn.

Michèle Sinner / cbi

Sam Tanson
D'Kulturministerin Sam Tanson. Foto: Archiv

Lauschteren


D'Kulturministerin Sam Tanson géif et besser fannen, wann d'Konventioune schonn ënnerschriwwe wieren, "well da méi eng grouss Sécherheet existéiert." Déi lescht Méint wier et fir jiddweree schwiereg gewiescht ze schaffen, gëtt si ze bedenken.

Kritikpunkt: d'Rechter iwwer d'Propriété intellectuelle

Den Haaptkritikpunkt vun de Porteurs de projets un de Konventioune sinn d'Dispositiounen iwwer d'Propriété intellectuelle vun de Projeten. Esch 2022 freet an dëser Konventioun fir d'Droits patrimonaux wärend 70 Joer dierfen ze exploitéieren, an dat ouni Remuneratioun fir d'Kënschtler.

D'Sam Tanson ka verstoen, datt dat falsch opgeholl ka ginn. D'Explikatioune vun den Organisateure vun Esch 2022 géif si awer esou verstoen, datt soulaang d'ASBL Esch 2022 existéiert, d'Publikatioune weider gemaach kënne ginn, "ouni datt all Kéiers eng Diskussioun doriwwer gefouert gëtt".

D'Kulturministerin weist awer Versteesdemech, datt Kënschtler sech Suergen ëm hiert Wierk maachen, dat ze laang un d'Rechter vun enger ASBL gebonne solle sinn.

Konventioune ginn negociéiert

D'Nancy Braun, Directrice générale vun der ASBL Esch2022 hätt hier gesot, et géif elo diskutéiert ginn, datt d'Rechter nëmme fir d'Durée vun der ASBL Esch 2022 solle gëllen.

Soulaang wéi d'Konventiounen net ënnerschriwwe sinn, kréien d'Projete keng Sue vun Esch2022 fir ze schaffen. Datt de Finanzement eng grouss Suerg fir jiddwereen ass, kéint d'Sam Tanson verstoen. Déi Kulturschafend hätten elo awer d'Kontrakter virleien.

Duerch déi Negociatioune geet awer nees Zäit verluer, bei engem elo scho ganz enkem Zäitplang. Ob all d'Projete schlussendlech nach realiséiert kënne ginn, konnt d'Sam Tanson net confirméieren:

"Ech hunn keng Glaskugel, ech weess net, wat herno ka realiséiert ginn a wat net. Ech weess just, datt awer mat vill Engagement dru geschafft gëtt, datt et méiglech gemaach gëtt. "

D'ASBL 2022 krut haut vum Fonds Belval de Schlëssel fir hire Quartier Général zu Belval iwwerreecht. D'Préfabriqués-Gebai, dat a Rekordzäit geplangt a gebaut gouf, huet 4,8 Milliounen Euro kascht.

De Fonds Belval huet bei där Geleeënheet och confirméiert, datt d'Massenoire an d'Mëllerei, an deenen d'Haaptexpoe vun der Kulturhaaptstad solle sinn, zur Zäit solle fäerdeg ginn.

Méi zum Thema

Esch 2022
Esch 2022

D'Europäesch Kommissioun huet 13 Recommandatioune fir Esch 2022 ginn. D'Ekipp ëm d'Generaldirektesch Nancy Braun huet dëse Rapport der Kulturkommissioun an der Chamber presentéiert.

Net verpassen

  • Webinaire iwwer ADHS

    Webinar_SCRIPT_2021_10_26_ADHS.JPG

    Opmierksamkeetsdefizit-/ Hyperaktivitéitsstéierung: sensibiliséieren, informéieren a besonnesch d'Léierpersonal forméieren, fir mat Schüler, déi dës Krankheet hunn, ëmzegoen.

Programm

  • Iwwergang op déi nächst Emissioun

  • On air

    Iwwer Mëtteg vun 11 bis 2

  • Panorama

  • Iwwer Mëtteg vun 11 bis 2

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen