Logement Sam Tanson: "Dramatesch Situatioun"
D'Foto vun de Leit, déi hënt virun den SNHBM op der Kalchesbréck campéiert hunn, weist d'Dramatik vun der Lag um Lëtzebuerger Logementsmarché, sou den Direkter Guy Entringer. D'Nach-Logements-Ministerin deelt dës Analys vum Direkter vun der Société nationale des habitations à bon marché. Dat seet d'Sam Tanson de Mëtteg op Nofro hin.
Den Interview vum Serge Kesseler mat der Sam Tanson:
Virum Gebai vun der SNHBM hunn eng Partie Leit stonnelaang gewaart, fir de Moien hire Kandidaten-Dossier ofzeginn, fir Wunnengen an Haiser, déi zu Alzeng gebaut ginn. Déi aktuell Prozedur vum ëffentleche Promoteur gesäit vir, datt d'Bienen un d'Leit vergi ginn, an der Reiefolleg an där si hiren Dossier ofginn.
D'Ministerin Sam Tanson weist sech "relativ schockéiert" iwwer d'Photo vun de Leit, déi virun de Büroe vun der Société nationale des habitations à bon marché campéiert hunn.
"Et weist einfach wéi ugespaant an dramatesch d'Situatioun um Wunnengsmaart ass. Dat ass natierlech eppes, wat op villen Niveauen inacceptabel ass. Op där enger Säit fannen ech et net würdeg, wa mir op Situatioune kommen, wou Leit campéiere fir eng Wunneng ze kréien. Et weist awer och, wéi grouss de Besoin ass, datt mir handelen."
Méi zum Thema
"Weist d'Dramatik vun der Lag zu Lëtzebuerg"
Déi lescht Nuecht hunn eng Rei Persounen virum Gebai vun der SNHBM op der Kalchesbréck d'Nuecht verbruecht, fir de Mëttwoch Moien ënner den Éischten ze sinn, déi sech op eng Lëscht fir een Haiserprojet zu Alzeng aschreiwen.
Exklusiv
Geplangte Kapitalerhéijung bei der SNHBM
D'"Société Nationale d'Habitation à Bon Marché" schafft un enger Kapitalerhéijung. Wéinst hirer Expansioun soll d'SNHBM viraussiichtlech zéng Milliounen zousätzlech zur Verfügung gestallt kréien.
