Lëtzebuerger Presselandschaft Saint-Paul: 71 Leit Personal ginn entlooss
Beim Mediegroup Saint-Paul géifen 71 Leit entlooss, dat krute mer vum Paul Peckels, Generaldirekter vu Saint-Paul Lëtzebuerg confirméiert. D'Bréiwer un déi betraffe Mataarbechter géifen haut erausgoen. Et ass nach net kloer op 71 oder 70 Leit entlooss ginn. Betraff ass d'Zeitung Wort, mee och aner Departementer vum Mediegrupp.
Bei de Verhandlungen tëschent dem belsche Proprietär Mediahuis an der Gewerkschaft LCGB gouf keen Accord fir e Sozialplang fonnt. Gëschter hat d'Schlichtungsamt eng Non-Conciliatioun, also en Echec vun de Verhandlungen, dekretéiert.
Den LCGB seet, dës Licenciementer géife géint eng Beschäftegungsgarantie am Kollektivvertrag verstoussen. D'Gewerkschaft huet de Betraffene juristesch Hëllef ugebueden, fir e Recours géint hir Entloossung um Aarbechtsgeriicht anzereechen.
Méi zum Thema
Saint-Paul: Et kënnt net zu engem Sozialplang
Beim Mediegrupp Saint Paul gëtt et keen Akkord fir e Sozialplang. Bis zu 74 Mataarbechter wäerten elo entlooss ginn, sot eis d'Céline Conter vum chrëschtleche Gewerkschaftsbond LCGB.
LCGB geheit Saint-Paul Direktioun Mëssmanagement vir
Wéinst dem ugekënnegten neie Sozialplang beim Medie-Grupp Saint-Paul hat den LCGB de Moien e Protestpiquet virum Siège zu Gaasperech organiséiert. Et géif ëm d'Iwwerliewe vum Wort goen.
LCGB fuerdert Beschäftegungsgarantie
D'Verhandlunge fir den ugekënnegte Sozialplang beim Grupp Saint-Paul Luxembourg ginn de Mëtteg an déi drëtte Ronn. Den LCGB fuerdert, datt d'Beschäftegungsgarantie - wéi se am Kollektivvertrag virgesinn ass - respektéiert gëtt.
Exklusiv
Saint-Paul: Sozialplang fir 80 Aarbechtsplazen
Am Medienhaus Saint-Paul a Regie.lu gëtt et eisen Informatiounen no e Sozialplang fir 80 Aarbechtsplazen. All d'Aktivitéite wiere betraff, heescht et an enger interner Kommunikatioun, déi eis virläit.
Sozialkonflikt bei Saint-Paul
Beim Grupp Saint-Paul gëtt et ee Sozialkonflikt. Well am Juli eng garantéiert Primm net ausbezuelt gouf, ass d'Gewerkschaft LCGB elo mat der Direktioun op der Schlichtung.
