Russland-Ukrain Wéi erlieft d'russesch Communautéit zu Lëtzebuerg de Krich an der Ukrain?

Déi ekrasant Majoritéit vun de Russen zu Lëtzebuerg wier entsat iwwer de Krich an der Ukrain seet d'Migratiounsfuerscherin Inna Ganschow.

Maurice Molitor (Interview) / Tessy Troes (Web)

Inna Ganschow

Et gi Russen zu Lëtzebuerg, déi am Moment oppen Ufeindungen erliewen - wéinst dem Krich an der Ukrain: dat seet d'Migratiounsfuerscherin Inna Ganschow.

Si hätt Screenshote vun anonymme Messagë gesinn, déi eenzel Leit geschéckt kruten. An och Fotoe vu Flyeren, déi se an hire Bréifkëschte fonnt hätten.

D'Inna Ganschow, déi am Kader vun enger Fuerschungsaarbecht iwwer 100 Joer russesch Präsenz zu Lëtzebuerg e groussen Deel vun der Communautéit kenne geléiert huet, geet awer dovun aus, datt déi ekrasant Majoritéit vun de Lëtzebuerger Russen de Krich net gutt heescht:

"Ich habe in den letzten Tagen keine Umfragen durchführen können. Es ist auch nicht das Thema meiner aktuellen Forschung (...) Aber was mein persönlicher Eindruck ist: Ich habe in der Tat bislang keinen Menschen getroffen oder gehört, der gesagt hätte, ja das ist richtig. Alle sind entsetzt und sagen, was auch immer der Grund war: Krieg ist keine Lösung."

Zu Lëtzebuerg liewen tëscht 1.500 an 2.000 Leit mat engem russesche Pass. Doriwwer eraus och eng ganz Rei Nokomme vu russeschen Immigranten, déi am Laf vum leschte Joerhonnert heihi komm sinn.

Wéi vill Leit elo vun Ufeindunge betraff wieren, kéint d'Migratiounsfuerscherin awer net soen.

An der Mediathéik:

Invité:e vum Dag / / Maurice Molitor
Lauschteren

Méi zum Thema

Michel Dormal Meenung
Fräie Mikro

De Krich an der Ukrain stellt politesch Gewëssheeten a Fro, un déi mir eis an Europa gewinnt haten. D'Realitéit veronséchert eis, well se eisem Bild net entsprécht. Dat mengt de Politolog Michel Dormal am Fräie Mikro.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen