Rettungsdéngschter "Kampfofstëmmung" am Staatsrot
Am Staatsrot ginn et eisen Informatiounen no Meenungsverschiddenheeten iwwert den Avis zur Reform vun de Rettungsdéngschter. Méi Sourcen no ass dee kriteschen Avis net eestëmmeg vum Staatsrot ugeholl ginn - wat nëmme seele virkënnt.
Zwou gutt informéiert Sourcë schwätze vun enger "Kampfofstëmmung". Den Avis iwwer d'Reform vun de Rettungsdéngschter wier net iwwerschafft ginn, obwuel verschidde Memberen den Text léiwer inhaltlech geännert hätten. Anescht wéi soss an esou Fäll, hätt de President vum Staatsrot et trotzdem op e Vote ukomme gelooss.
Wei d'Votte vum Staatsrot ausginn, ass net ëffentlech. Am Moment gëtt awer driwwer diskutéiert, dat ze änneren: D'CSV ass neierdéngs dofir, d'Stëmmverhale public ze maachen. D^'Regierungsparteien LSAP, DP an déi gréng si bis elo géint dës Propose.
Verstouss géint d'Gemengenautonomie?
Den Avis iwwer d'Rettungsdéngschter, deen den Dënschdeg, 24. Januar verëffentlecht gouf, ass ganz kritesch géintiwwer der geplangter Reform vun de Rettungsdéngschter, déi vum Inneminister Dan Kersch (LSAP) ausgeschafft gouf.
De Staatsrot ass net domat averstanen, fir déi national Rettungsdéngschter an engem Etablissement Public ze regruppéieren. Dat géif géint de Prinzip vun der Autonomie vun de Gemenge verstoussen.
Méi zum Thema
Ee Bréif un de Staatsrot
Den Inneminister Dan Kersch huet zesumme mam Premier Xavier Bettel ee Bréif un de Staatsrot geschriwwen. Et wëll een nach eng Kéier iwwer den Avis zum Gesetzprojet iwwer d'Rettungsdéngschter schwätzen.
De Staatsrot, "e Weiserot"
D'Politiker doen am Staatsrot hir parteipolitesch Kap aus, seet d'Erna Hennicot-Schoepges. Déi fréier CSV-Kulturministerin ass géint méi Transparenz – de Staatsrot misst a Rou kënne schaffen.
Kommentar
Staatsrot muss endlech méi transparent ginn
Wann de Staatsrot sech eescht hëlt, limitéiert e sech just nach op d'Korrektur vu schlecht redigéierte Gesetzestexter oder en hält op, sech virun der Ëffentlechkeet ze verstoppen, mengt de Jean-Claude Franck.
