A Frankräich kéinten d'Spritpräisser an engem Mount wéinst enger geplangter staatlecher Remise temporär op 1,50 Euro de Liter falen.
Et kéint een d'Situatioun hei am Land awer net 1:1 mat de Nopeschlänner vergläichen, seet d'Yuriko Backes. An der Regierung wéilt ee sech op aner Mesurë konzentréieren.
Et misst ee fir d'éischt kucken, wéi d'Situatioun sech weider entwéckelt, sou d'Finanzministesch: "Mir sinn an engem inflationisteschen Zenario", esou d'Yuriko Backes.
Et wier onkloer, wéi laang dësen Zenario nach géif undaueren, mee d'Regierung géif dat "ganz no" suivéieren. D'Regierung géif awer "alles maache" fir déi Leit ze ënnerstëtzen, "déi et am meescht brauchen", esou d'Yurko Backes.
