Verfassungsreform Referendum iwwer Justizkapitel: Net genuch Ënnerschrëften zesummekomm
D'Gemengen hu bis haut Zäit, hir Lëschte mat den Ënnerschrëfte fir e Referendum iwwer dat neit Justiz-Kapitel vun der Verfassung am Staatsministère eranzeginn. Gëscht hätten nach fënnef Gemenge gefeelt, huet et op Nofro hin aus dem Staatsministère geheescht.
CSV wäert Prozedur fir Referendum net declenchéierenËm wéi eng fënnef Gemengen et sech handelt, gouf net präziséiert. Mee an de 97 Gemengen, déi d'Lëschte schonn ofginn hunn, wieren ëm déi 7.000 Signaturen zesummekomm. Et gesäit also esou aus, wéi wann d'Zil vun der Initiativ däitlech verfeelt gi wier: d'Ënnerschrëfte vu 25.000 ageschriwwene Wieler wiere jo noutwenneg gewiescht, fir den 2. Vott an der Chamber duerch eng Volleks-Ofstëmmung ze ersetzen. Deemno wäert d'Justiz-Kapitel aller Viraussiicht no um parlamentaresche Wee definitiv gutt geheescht ginn.
Méi zum Thema
Dat neit Justizkapitel kéint am Januar vun der Chamber ugeholl ginn
Am Januar kéint d'Aarbecht un der Verfassungsreform weider decisiv Schrëtt viru kommen, mengt de President vun der zoustänneger Chamberkommissioun, den LSAP-Deputéierte Mars Di Bartolomeo.
CSV wäert Prozedur fir Referendum net declenchéieren
D'CSV wäert kee Referendum iwwer d'Verfassungsreform declenchéieren, esou de Michel Wolter am 100,7-Interview. Déi ëffentlech Petitioun fir e Referendum krut um Enn 18.579 elektronesch Ënnerschrëften.
