Europapolitik Réckbléck op den EU-Sommet - Brexit
Groussbritannien trëtt net, wéi geplangt den 29. Mäerz aus der EU aus. D'EU Staats- a Regierungscheffe waren d'accord fir den Datum ze verleeën. Elo ass den 22. Mee ee méiglechen Datum fir de Brexit, awer net deen eenzegen. D'Brite kéinten och scho vum 12. Abrëll un net méi Member vun der EU sinn. Wéini kënnt dann elo de Brexit? Doriwwer schwätze mir mat eiser EU-Korrespondentin Danièle Weber.
Déi britesch Premierministerin hat en Delai bis Enn Juni gefrot. Dat hunn déi 27 EU-Staats- a Regierungscheffen awer refuséiert. Et war ee sech eens, datt wann den Datum vum Brexit no deem vun dem Europawahle läit, d'Briten och missten Europawahlen organiséieren.
Dowéinst gouf den 22. Mee als Datum zeréckbehalen, awer just fir de Fall, wou dat britescht Parlament dem Brexit-Accord unhëlt. Den 11. Abrëll ass dee lescht méiglechen Datum, wou d'Briten organisatoresch nach kéinten Europawahlen organiséieren.
Wéi eng Optioune sinn elo méiglech? A wéi eng sinn am wahrscheinlechsten?
Lauschtert d'Gespréich mat der EU-Korrespondentin Danièle Weber. An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Bettel: Keng Brexit-Verlängerung no den Europawahlen
De Xavier Bettel ass dogéint, datt de Brexit bis nom 23. Mee verluecht gëtt. Groussbritannie misst prett sinn, den Accord unzehuelen, éier een iwwerhaapt kéint en neien Datum envisagéieren.
Analys
D'Streidereien an der Anti-Brexit Campagne
Zu London ass fir e Samschdeg eng Demonstratioun en Faveur vun engem neie Brexit Referendum geplangt. D'lescht Woch hat d'Parlament en neie Referendum mat enger grousser Majoritéit ofgeleent.
