Demonstratioun ProVelo-Demo an der Stad gëtt eventuell awer erlaabt
D'Diskussiounen ëm e Verbuet vun der ProVelo Demonstratioun nächste Samschden an der Stad sinn nach net ofgeschloss. Eisen Informatiounen no soll de Mëtteg am Schäfferot nach eemol doriwwer berode ginn, et wier och net auszeschléissen dat d'Decisioun do revidéiert gëtt.
D'Stat Lëtzebuerg hat keng Autorisatioun fir d'Demonstratioun fir besser Vëlosinfrastrukture ginn, dat mam Argument et wier deen Dag Stroossemärt an d'place de la Constitutioun kënnt dofir net gespaart gi. D'Presidentin vu ProVelo Monique Goldschmidt wëllt dat Verbuet - dat och rechtsstaatlech Froen opwerfe géif - awer net acceptéieren, um sou méi wéi d'Demande fir d'Autorisatioun scho bal e Mount al ass.
Haut (Méindeg) den Owend géif sech de Comité vun der Associatioun gesinn, an decidéieren, wat een den nächste Samschdeg géif maachen. "Mir sinn absolut net der Meenung, datt wéinst dem Stroossemaart déi Maniff net ka sinn", sou d'Monique Goldschmidt.
Méi zum Thema
Mam Velo vun Alaska bis Mexiko
Am Alter vu nëmmen 22 Joer ass de Fernand Zeimes vun Alaska bis op Mexiko pedalléiert. Seng Erënnerungen un dës aussergewéinlech Rees goufen elo publizéiert, bal 30 Joer no senger Aventure.
VeLokal: Wéi wier et mat engem neie recykelte Velo?
Mam Vëlo duerch d'frësch Loft, eng schéi Virstellung nee? D'Lara Bousch presentéiert iech eng Lëtzebuerger Initiativ fir gebrauchte Vëloe vu fréier a vun haut.
