Gesellschaft ProVelo begréisst Alenke vun der Stad Lëtzebuerg
D'ASBL ProVelo huet no hirer Komiteessitzung de Méindeg den Owend begréisst, datt d'Stad Lëtzebuerg eng Vëlosmanifestatioun e Samschdeg an der Stad awer autoriséiert huet - mat engem adaptéierten Itineraire. D'Stad hätt awer nëmmen noginn, well ProVelo eng Plainte beim Verwaltungsgeriicht wéinst Manifestatiounsverbuet wollt areechen, sot eis d'Presidentin vu ProVelo Monique Goldschmidt op Nofro hinn.
D'Vëlosmanifestatioun soll elo net méi bei der Gëlle Fra op der Place de la Constitution starten, mee beim Geriicht Der Opfuederung vun der Stad Lëtzebuerg fir bei der Demo guer net duerch d'Avenue Marie-Thérèse ze fuere wéilt ProVelo awer net nokommen.
D'Stad Lëtzebuerg hat am Ufank d'ProVelo Demonstratioun verbuede mam Argument, datt zur gläicher Zäit e Stroossemaart ass. De Méindeg hat de Stater Schäfferot Vertrieder vu ProVelo fir Gespréicher invitéiert an e neien Itineraire virgeschloen, deen d'Place de la Constitution evitéiert.
Méi zum Thema
Mam Velo vun Alaska bis Mexiko
Am Alter vu nëmmen 22 Joer ass de Fernand Zeimes vun Alaska bis op Mexiko pedalléiert. Seng Erënnerungen un dës aussergewéinlech Rees goufen elo publizéiert, bal 30 Joer no senger Aventure.
ProVelo-Demo an der Stad gëtt eventuell awer erlaabt
D'Diskussiounen ëm e Verbuet vun der ProVelo Demonstratioun nächste Samschden an der Stad sinn nach net ofgeschloss. De Mëtteg soll am Stater Schäfferot nach eemol doriwwer berode ginn.
