Reform vun der Pressehëllef Print- an Onlinemedie gläichstellen

De Grënner vum Editiounshaus Maison Moderne kritiséiert een Aspekt vun der geplangter Reform vun der Pressehëllef: Et wier "net normal", datt Dageszeitungen bis zu 1,6 Milliounen Euro u staatlecher Hëllef zegutt hätten, wärend fir Online-Publikatiounen e Plaffong vun 550.000 Euro soll gëllen.

Maurice Molitor (Interview) / Claude Biver (Web)

Mike Koedinger
De Mike Koedinger ass Grënner a Patron vu Maison Moderne. Foto: Jan Hanrion / Maison Moderne

D'Argument, datt et méi deier wier eng Zeitung ze drécken, wéi um Internet ze publizéieren, léisst de Mike Koedinger net gëllen. Hie betount, datt och Online-Publikatiounen eppes kaschten: all dräi bis fënnef Joer misst een alles nei maachen, an dat wieren "immens héich" Beträg.

De Mike Koedinger ënnersträicht, datt een dofir och eng Ekipp brauch. Maison Moderne hätt eng Ekipp vu sechs Leit an der Informatik, déi sech just ëm Maintenance a Weiderentwécklunge këmmeren. Dës Paie géife bei déi vun de Redaktiounen, Grafiker a Fotografen dobäikommen.

Digital Offer gëtt méi wichteg

De Mike Koedinger plädéiert bei der Reform vun der Pressehëllef fir eng absolut Gläichstellung vu Print an Online. Dat wier och gerechtfertegt, well d'Leit ëmmer manner zu enger gedréckter Dageszeitung gräifen, fir sech op de leschte Stand vun der Informatioun ze bréngen, dofir awer ëmmer méi op den Internet ginn.

De Lëtzebuerger Journal ass schonn op déi Pist gesprongen: vum 1. Januar 2021 u kann een d'Zeitung just nach digital liesen. De Mike Koedinger mengt, datt d'Zeitung domat evitéiert ee weidere Feeler ze maachen an nach méi Perten ze generéieren. Ob et awer de richtege Choix war géif sech unhand vum Contenu weisen.

"Dat hänkt of, ob e méi radikal gëtt a sech méi staark engagéiert mat enger Meenung: dee Moment fënnt e vläicht Lieser, déi sech abonéieren. Wann en ze vill Mainstream weiderhi bleift, dann huet e mengen ech keng weider Chancen à terme online ze existéieren, well da gëtt et awer op eemol eng grouss Offer, déi Paywalls huet, an da gëtt et ganz schwéier, datt jiddweree seng puer dausend Abonnenten zesummekritt."

An zéng Joer: manner Mediepluralismus

De Mike Koedinger geet dovun aus, datt an zéng Joer d'Presselandschaft anescht wäert ausgesinn. Senger Meenung no wäerten et manner Publikatioune ginn a verschiddener wäerte méi staark sinn.

Et wäert och "bestëmmt manner Pluralismus" ginn, mee dofir "hoffentlech eng ganz Rei jonk Boîtë mat gudden challenging ideas", esou de Patron vu Maison Moderne. Dës Publikatioune géife mat neien Iddie kommen an hätte vläicht keng grouss Audienz, mee géifen hiren Deel zum Pluralismus bäidroen.

An der Mediathéik:

Invité vum Dag / / Maurice Molitor
Lauschteren

Méi zum Thema

RER-Pressehëllef-Mike Koedinger, Josée hansen, Jean-Lou Siweck
Geschriwwe Press zu Lëtzebuerg

Pressevertrieder begréissen d'Pläng fir déi nei staatlech Pressehëllef. Haaptsächlech Onlineredaktiounen, Maison Moderne a L'essentiel wäerten an enger éischter Phas dovu profitéieren.

Verschidde Presseoranger Exklusiv
Verschidde Sockelen

An Zukunft soll d'Zuel vun de Journalisten de Kritär fir d'Héicht vun der Pressehëllef sinn. Dat gesäit den Avant-Projet de loi vir, deen dem radio 100,7 virläit. Et soll awer kee manner kréien.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen