Dateschutz Police Fichieren: Och längst klasséiert Affäre ginn net geläscht
Virun iwwer engem Joer goung d'Debatt iwwer d'Datebanke bei Police a Justiz lass. Si krut zanterhier 475 Demandë vu Leit eran, déi wollte wëssen, wat d'Police un Informatiounen iwwer si an hire Fichieren hält. D'Police brauch bis zu engem Joer, fir déi Demanden ze beäntwerten. Zu deenen Informatioune gehéiere weiderhi längst klasséiert Affären.
De Bäitrag vum Michèle Sinner lauschteren
Vun deenen Demanden, deelt d'Police op Nofro schrëftlech mat, goufen der 320 beäntwert. Dat dauert awer bis zu engem Joer. Et wier vill Aarbecht, déi verschidde Fichieren op Informatioune vun enger Persoun ze kontrolléieren, an et misst een dobäi och lafend Enquêten ausschléissen.
Date ginn och bei engem "classement sans suite" net geläscht
An enger vun dësen Äntwerten, déi dem Radio virläit, taucht eng längst klasséiert Affär op. Ouni datt dobäi steet, datt se klasséiert ass. Dozou erkläert d'Police, datt si net vun der Justiz gewuer géif, wat klasséiert gëtt. Si argumentéiert och, e "classement sans suite" wier keng definitiv Decisioun vun der Justiz an d'Enquête kéint bis zur Verjärung erëm opgemaach ginn, wa sech "d'Strofdot widderhëlt". Dobäi gouf et wéinst dem Klassement vun der Enquête natierlech keng Uklo, a scho guer keng nogewise Strofdot. An dësem Fall gouf et just eng Plainte vun enger drëtter Persoun.
Concernéiert kënnen net iwwerpréiwen, wien hir Donnéeë gekuckt huet
D'Police renseignéiert och net driwwer, wien alles Zougrëff op engem seng Donnéeë geholl huet. Dat géif zwar enregistréiert. Mee déi Informatioune kréichen déi Concernéiert just matgedeelt, wann hinnen duerch en Dateschutzverstouss e Schued entsteet. D'Dateschutzbeoptraagte vun der Police war net bereet en Interview ze ginn, fir ze erklären, wéi déi Concernéiert ouni d'Informatioun, wien hir Donnéeë gekuckt huet, solle wëssen, ob et en Dateschutzverstouss gouf, an ob hinnen doduerch e Schued entstanen ass.
Méi zum Thema
Perquisitioune bei der Police
Bei der Generaldirektioun vun der Police a bei der Regionaldirektioun aus dem Norde goufe Perquisitioune vun der Inspection générale gemaach. Am Raum stéinge Virwërf vu Prise illégale d'intérêt a fraude informatique.
Op Covid-19-Kontroll mat der Police
Fir datt jiddweree sech un d'Reegele vum Confinement hält, geet d'Police op den Terrain kontrolléieren. De Pierre Reyland war bei esou enger Covid-19-Kontroll an der Stad mat derbäi.
Däitsch Police: Méi streng Grenzkontrolle vum Dënschdeg un
Zanter dem Méindeg de Moie kontrolléiert déi däitsch Police d'Grenz op enger Réi Iwwergäng. Dat hat den däitschen Inneminister de Sonndeg schonn annoncéiert. Haut géif nach net esou streng kontrolléiert ginn, wéi et vum Dënschdeg un de Fall soll sinn.
Datebanke bei Police a Justiz: Nobesserunge bis nächste Summer
D'Gesetz iwwer d'Datebanke bei Police a Justiz soll bis den nächste Summer nogebessert ginn, seet de François Bausch. De Minister fir bannenzeg Sécherheet seet, am Moment wier nach net kloer, wéi eng Adaptatiounen néideg sinn.
Police-Datebank: D'Press huet "hir Roll erfëllt"
Op de soziale Medien wier deelweis op eng "disproportionnéiert" Manéier Onrou geschaaft ginn, d'Press hätt awer eng "legitim" Aart a Weis gehat fir den Debat ze couvréieren, sou de President vun der Chamber Justizkommissioun.
Ëmstridden Datebanke bei Police a Parquet
Bei de Froe ronderëm d'Datebanke vu Police a Parquet verlaangt d'Oppositioun Opklärung. D'Ministere François Bausch a Félix Braz verspriechen Transparenz. Nach sinn net all Froe beäntwert.
Bei der Police soll "zolidd agestallt" ginn
Fir dem Personalmangel entgéint ze wierke wëllt d'Regierung an den nächsten dräi Joer d'Police personell verstäerken. Genee Zuele goufen net genannt. Iwwerstonnen a Permanencë ginn nei gereegelt.
Besser Aarbechtszäiten a Carrièrë fir d'Police
Op der Generalversammlung vun der SNPGL gouf et Kritik un der Policereform, der Aarbechtszäitreegelung an den Zäitspuerkonten. De Policegeneraldirekter Philippe Schrantz reagéiert op d'Kritiken.
