National Politik Piratepartei: Keen Interessent fir Coordinateursposten

De Marc Goergen wëllt säi Posten als Coordinateur vun de Pirate gär ofginn. Dat wier beim Virstand vun der Partei net onbedéngt op Begeeschterung gestouss, seet den Deputéierten. Mee hie wéilt sech am léifsten elo mol op seng Aarbecht an der Chamber konzentréieren.

Françoise Keller / cz

Marc Goergen
Marc Goergen

Hie wier am Februar fir zwee Joer op de Poste gewielt ginn. Theoretesch hätt d'Partei also zwee Joer Zäit fir ee Successeur ze fannen - bis elo hätt sech awer nach kee manifestéiert. Elo direkt kéint hien de Posten also net ofginn, esou de Marc Goergen.

"Ech ka jo net einfach esou haut soen "ech halen op", well dann ass jo keen Ersatz do." Mëttelfristeg kéint dat fir d'Partei "e richtege Problem" ginn. Hie wënscht sech, datt sech e Parteimember géif fir de Poste mellen, an datt déi Persoun dann op engem Kongress gewielt gëtt. "Well als Deputéierte wier ech jo och weiderhin am Präsidium a kéint verschidden Aarbechten trotzdem nach iwwerhuelen. Eben net déi ganz Administratioun, Personal asw", sou de Marc Goergen.

De Partei-Präsidium géif sech nächst Woch gesi fir d'Wahlresultat ze analyséieren an ze kucken, wéi et weidergeet, esou nach de Marc Goergen.

Méi zum Thema

Marc Goergen Exklusiv
Personell Ännerungen an der Piratepartei

An der Piratepartei kënnege sech personell Ännerungen un. 100,7-Informatiounen no huet den Deputéierte Marc Goergen senge Parteikolleegen offréiert no den Europawahle säi Posten als Koordinator opzeginn.

Goergen-Bumb.jpg Exklusiv
No Facebook-Post

"Eis Recherche baséiert op Temoignagen, an net op geleakten E-mailen oder soss Dokumenter." Dat seet de Christoph Bumb vu reporter.lu als Reaktioun op Virwërf vum Marc Goergen, Generalsekretär an Deputéierte vun de Piraten.

Gast Gibéryen - Sven Clement
Chamberwahlen 2018

D'ADR an d'Piratepartei wëlle fir déi nächst fënnef Joer een technesche Grupp forméieren. Et géif dorëm goen, d'Aarbecht an der Chamber ze optiméieren. Politesch Zesummenaarbecht soll et awer keng ginn.

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen