Parteibündnis PID trennt sech vu Piratepartei

D'PID trennt sech vun de Piraten. Dat huet de Virstand vun der Partei fir integral Demokratie gëschter an engem Schreiwes matgedeelt. Als Grënn ginn eng chaotesch Virgoensweis an intern Streidereien an der Piratepartei genannt. D'Ukënnegung wier iwwerraschend fir d'Pirate komm.

Françoise Keller / cbi

Angelika Dasbach / Marc Goergen
D'Angelika Dasbach an de Marc Goergen. Foto: piraten.lu / Montage: radio 100,7

De Marc Goergen, Coordinateur vun de Piraten, wier d'Trennungspläng vun der PID iwwer de Sven Clement gewuer ginn. Et hätt een d'Piraten net virgewarnt, esou d'PID-Presidentin Angelika Dasbach. D'Kommunikatioun tëschent béide Säiten hätt zanter de Chamberwahle brooch geleeën. Et wier guer net méi mat der PID diskutéiert ginn, wéi ee fir d'Europawahle wéilt virgoen.

Keng Kommunikatioun tëschent PID a Piraten

Jiddwereen, deen hätt wëlle fir d'Europawahle matschaffen, hätt dat kënne maachen, esou de Marc Goergen vun de Piraten. Dat léisst d'PID-Presidentin awer net gëllen.

"Weder wousste mir wou a wéini ee Meeting iergendwou stattfënnt. Weder wou ee sech mol eventuell kann ofschwätze wéi mir virginn, fir déi ganz Wahlen. Och mat der Wahlpropaganda si mir guer net mat abezu ginn."

D'Entscheedung fir sech vun de Piraten ze trenne wier eestëmmeg am Comité vun der PID getraff ginn, esou nach d'Angelika Dasbach.

PID-Membere ware bei Piraten aktiv

De Marc Goergen hätt eegenen Aussoen no am léifsten eng Fusioun tëschent béide Parteie gehat, an de Jean Colombera hätt wëlle méi Verantwortung am Wahlbezierk Norden iwwerhuelen. Dat hätt hien dem Marc Goergen och perséinlech gesot.

PID-Membere wieren och ganz aktiv bei de Pirate gewiescht, seet de Marc Goergen, wéi zum Beispill d'Marie-Paule Dondelinger, déi den Ament Co-Spriecherin vun de Piraten a Presseattachée vun der PID ass. Si soll dem Schreiwes vun der PID no awer no de Comitéswahle kee Member vum Virstand méi sinn. D'PID géif iwwerdeems weiderhin als eegestänneg Partei bestoe bleiwen. Et géif een awer eventuell d'Kooperatioun mat enger anerer Partei sichen.


Detailer mam Françoise Keller:

Lauschteren

Méi zum Thema

Marc Goergen
National Politik

D'Piratepartei fënnt keen Ersatz fir den aktuelle Partei-Coordinateur Marc Goergen ze ersetzen. Obwuel hie gär vum Posten demissionnéiere géif, misst hie weidermaachen, well bis elo kee Parteimember sech manifestéiert hätt.

Marc Goergen Exklusiv
Personell Ännerungen an der Piratepartei

An der Piratepartei kënnege sech personell Ännerungen un. 100,7-Informatiounen no huet den Deputéierte Marc Goergen senge Parteikolleegen offréiert no den Europawahle säi Posten als Koordinator opzeginn.

Programm

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen